Jenesis 49:22 - An Bibel Kernewek 20234 (Kernewek Kemmyn)

²² ‘Skorrenn leun a frut yw Yosep, skorrenn leun a frut ryb fenten. Yma y varrow ow resek dres an ke.

Jenesis 49:22 Iomraidhean Croise

Jenesis 41:52

Hag ev a elwis hanow an nessa Efraym, ‘rag Duw re wrug dhymm doen frut yn pow ow galarow.’

Jenesis 46:27

Ha mebyon Yosep a veu dineythys dhodho yn Ejyp a veu dew enev. Oll an enevow a ji Yakob a dheuth dhe Ejyp a veu deg ha tri-ugens.

Jenesis 48:1

Y hwarva, wosa an taklow ma, nebonan dhe leverel dhe Yosep, ‘Otta, klav yw dha das.’ Ytho ev a gemmeras y dhew vab Manasse hag Efraym ganso.

Jenesis 48:15

Hag ev a vennigas Yosep, ow leverel, ‘An Duw may hwre kerdhes dheragdho ow thasow Abraham hag Ysak, An Duw re beu bugel dhymm der ow bewnans oll bys y'n jydh hedhyw,

Jenesis 48:16

an el neb a'm delivras dhiworth pub droktra, re vennikko an vebyon; ha re bo gelwys warnedha ow hanow vy ha hanow ow thasow Abraham hag Ysak; ha re gressyons dhe vos bras aga niver yn kres an norvys.’

Jenesis 48:5

Ha lemmyn, dhymmo vy yw dha dhew vab a veu dineythys dhis yn pow Ejyp kyns my dhe dhos dhiso yn Ejyp; Efraym ha Manasse a vydh dhymmo vy, kepar dell yw Rewben ha Simeon.

Jenesis 49:23

An sethoryon a'n provokyas yn feur. Eskarogeth a's teva er y bynn;

Salmow 128:1

Gwynn y vys seul a berth own a'n Arloedh, seul a gerdh yn y fordhow.

Salmow 128:3

Dha wreg a vydh kepar ha gwinbrenn leun a frut a-bervedh yn dha chi; ha'th fleghes kepar hag eginyow olewbrenn oll a-dro dhe'th voes.

Salmow 80:10

An menydhyow o kudhys gans y skeus, ha kederwydh Duw gans y skorrennow.

Ezekiel 19:11

Hi a's teva garrow krev gwiw rag ternwelennow rewloryon. Ughel o hi a-ugh an skorrennow tew; hewel o hi yn hy ughelder gans lanwes hy del.

Hosea 13:15

Kyn hwra ev doen frut yn mysk y vreder, gwyns an Est a dheu, gwyns an Arloedh ow tos yn-bann dhiworth an difeyth. Y fenten a vydh desyghys, ha'y buth a hesk. Ev a byll pub lester drudh a'n dresorva.