Jenesis 49:10 - An Bibel Kernewek 20234 (Kernewek Kemmyn)

¹⁰ Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Jenesis 49:10 Iomraidhean Croise

2 Samuel 7:13

Ev a dhrehav chi rag ow hanow vy, ha my a fast tron y vyghterneth bys vykken.

2 Samuel 7:16

Dha ji ha'th vyghterneth a vydh fastys bys vykken a-dheragov; dha dron a vydh fastys bys vykken.

1 Kroniklys 12:24

Mebyon Yuda ow toen skoes ha guw o hwegh mil parys rag batel.

1 Kroniklys 12:39

I a spenas tri dydh ena gans Davydh, ow tybri hag owth eva, rag aga breder re dharbarsa dhedha.

Salmow 108:8

Gilead yw dhymm; Manasse yw dhymm, hag Efraym yw nerth ow fenn. Yuda yw ow gwelenn.

Salmow 60:7

Gilead yw dhymm, ha Manasse yw dhymm; Efraym ynwedh yw nerth ow fenn; Yuda yw ow gwelenn.

Salmow 60:9

Piw a'm dre a-berth y'n dinas krev? Piw a'm hembronk bys yn Edom?

Salmow 78:68

Mes ev a dhewisas loeth Yuda, menydh Sion, a gara.

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Ysay 60:1

Sav, splann; rag dha wolow re dheuth, ha glori an Arloedh re dhrehevis warnas.

Ysay 62:11

Otta, an Arloedh re dherivas dhe benn an norvys: Leverewgh dhe vyrgh Sion, ‘Otta, dha selwyans a dheu; otta yma y wober ganso, ha'y attal a-ragdho.’

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 30:21

Ha'ga fennsevigyon a vydh kemmerys a'ga honan, ha'ga governour a dheu a'ga mysk; my a'n dre yn ogas, hag ev a dheu nes dhymm, poken piw a vedha nesa dhymm? yn-medh an Arloedh.

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Ezekiel 19:11

Hi a's teva garrow krev gwiw rag ternwelennow rewloryon. Ughel o hi a-ugh an skorrennow tew; hewel o hi yn hy ughelder gans lanwes hy del.

Ezekiel 19:14

Tan eth war-ves dhiworth hy garr ha dybri hy skyll ha'y frut. Nyns eus ynni garr grev gwiw rag ternwelenn rewler. Hemm yw galargan, hag y fydh usys avel galargan.

Ezekiel 21:27

Magoryow, magoryow, magoryow y'n gwrav, ma na veu y hevelep, bys pan dheu ev may ma dhodho an gwir; ha my a'n re dhodho.

Ezekiel 21:32

Y fydhydh keunys rag an tan, dha woes a vydh yn kres an tir; ny vydhydh kovhes na fella, rag my an Arloedh re gewsis.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Hosea 11:12

Efraym a'm kylghyas gans gowyow, ha chi Ysrael gans gil. Hag yma Yuda hwath ow mos a-dro gans Duw drefenn y vos len gans an syns.

Mika 5:1

Lemmyn kuntell dha vagasow a soudoryon, ty vyrgh a vagasow; omsettya a-dro dhyn a wrussons; gans gwelenn y hweskons bogh rewler Ysrael.

Haggay 2:7

Ha my a wra oll an kenedhlow dhe grena, ha tresoryow an kenedhlow oll a dheu, ha my a lenow an chi ma gans golewder, yn-medh Arloedh an luyow.

Zekaria 10:11

I a wra tremena dre vor a ankres, ha gweskel an tonnow y'n mor hag oll downderyow an avon a vydh sygh. Goeth Assyria a vydh uvelhes, ha gwelenn Ejyp a dremen dhe-ves.

Zekaria 2:11

Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.

Niverow 21:18

An bennsevigyon a balas an puth, gwelhevin an bobel a'n kleudhyas gans an dernwelenn, gans aga gwelynni.’ Ha dhiworth an gwylvos i eth dhe Mattana,

Niverow 24:17

My a'n gwel, mes a-der lemmyn; my a'n aspi, mes a-der yn ogas; sterenn a wra dos war-rag yn-mes a Yakob, ha ternwelenn a wra sevel yn-mes a Ysrael; hi a wra brewi talyow Moab, ha kregyn oll mebyon Sheth.

Niverow 24:19

Dre Yakob gwarthevyans a vydh gwrys, ha'n re a skap dhiworth sita a vydh distruys!’

Matthew 1:21

Ha hi a dhineyth mab, ha ty a'n henow Yesu; rag ev a saw y bobel dhiworth aga feghosow.’

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Matthew 21:9

Ha'n routhow esa ow mos a-ragdho, ha'n re a'n siwya a armas ow leverel, ‘Hosanna dhe Vab Davydh, Benniges yw neb a dheu yn hanow an Arloedh, Hosanna y'n ughelder!’

Matthew 25:32

Hag oll an kenedhlow a vydh kuntellys a-dheragdho, hag ev a's rann an eyl dhiworth hy ben kepar dell rann an bugel an deves dhiworth an gever;

Yowann 12:32

Ha my, pan viv drehevys a'n norvys, a denn tus oll dhymmo vy.’

Yowann 18:31

Ytho Pilat a leveris dhedha, ‘Kemmerewgh e agas honan, ha'y vreusi herwydh agas lagha.’ Yn-medhons an Yedhewon dhodho, ‘Nyns yw lafyl dhyn, ni dhe worra denvyth dhe'n mernans’;

Yowann 19:12

Alena rag, Pilat a hwila y livra; mes an Yedhewon a armas, ow leverel, ‘Mar livrydh an den ma, nyns osta koweth Sesar.’

Yowann 19:15

Ytho i a armas, ‘Kemmer e dhe-ves, kemmer e; krowsy e!’ Yn-medh Pilat dhedha, ‘A wrav vy krowsya agas myghtern?’ An bennoferysi a worthybis, ‘Nyns eus dhyn myghtern marnas Sesar.’

Yowann 9:7

ha leverel dhodho, ‘Ke, omwolgh yn poll Siloam’ (hemm yw dhe styrya, Dannvenys). Ytho ev eth hag omwolghi, hag ev a dhehwelis ow kweles.

Romanyon 15:12

Hag arta Ysay a lever, ‘Gwreydhenn Yesse a dheu, neb a sev dhe rewlya an kenedhlow, ynno an kenedhlow a's tevydh govenek.’

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

Dewteronomi 28:57

ha'y bryghenn a dheu yn-mes yntra hy threys ha war hy mebyon a dhineyth; rag hi a wra aga dybri yn esow a bup-tra oll yn-dann gel, y'n omsettyans stroeth may hwra dha eskar dha stroetha ganso y'th yetys.

Ebrowyon 7:14

Rag pur gler yw y sevis agan Arloedh a Yuda hag a'n loeth na ny leveris Moyses travyth a-dro dhe oferysi.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’