Jenesis 49:1 - An Bibel Kernewek 20234 (Kernewek Kemmyn)

¹ Ena Yakob a elwis y vebyon ha leverel, ‘Omguntellewgh war-barth, may hwrylliv derivas dhywgh an pyth a hwyrvydh dhywgh y'n dydhyow a dheu.

Jenesis 49:1 Iomraidhean Croise

Salmow 105:15

‘Na dochyewgh an re untys genev, ha na bystigewgh ow frofoesi.’

Salmow 25:14

Yma kevrin an Arloedh gans an re a berth own anodho, hag ev a dhiskwa dhedha y gevambos.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Ysay 22:14

Arloedh an luyow re dhiskudhas hemma y'm diwskovarn: Yn tevri ny vydh prenedh dhywgh rag an anewnder ma erna verwowgh, yn-medh an Arloedh, Duw an luyow.

Ysay 39:6

Otta dydhyow a dheu pan vydh degys yn-mes dhe Babylon pup-tra eus yn dha dresorva, hag a wrug dha dasow y guntell bys y'n jydh hedhyw; ny vydh travyth gesys, yn-medh an Arloedh.

Ysay 48:14

Omguntellewgh, hwi oll, ha klewewgh: piw anedha re dhiskwedhas an taklow ma? An Arloedh a'n kar, ev a gowlwra y borpos war Babylon, ha'y vregh a vydh erbynn Kaldea.

Ysay 53:1

Piw re grysis an pyth re glewsyn? Ha piw dhodho y feu diskwedhys bregh an Arloedh?

Yeremia 23:20

Ny dreyl sorr an Arloedh dhe-ves bys pan wra ev kompoesa ha kowlwul towlow y golonn. Y'n dydhyow diwettha hwi a'n konvedh yn kler.

Daniel 10:1

Y'n tressa blydhen a Kyrus, myghtern Persia, y feu diskwedhys ger dhe Daniel, neb o henwys Belteshassar. Gwir o an ger na: kas vras. Ev a gonvedhas an ger – an welesigeth a'n styryas.

Daniel 10:14

Devedhys ov rag gul dhis konvedhes an pyth a hwyrvydh dhe'th pobel yn diwedh an dydhyow, rag bos an welesigeth rag an dydhyow a dheu.’

Daniel 2:47

Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Amos 3:7

Yredi ny wra an Arloedh Duw travyth heb diskudha y dowl kudh dh'y servysi an brofoesi.

Mika 4:1

Y'n dydhyow diwettha, menydh chi an Arloedh a vydh fastys avel penn an menydhyow, hag y fydh drehevys yn-bann dres an breow, ha poblow a dheu dhodho yn fros.

Niverow 24:14

Ha lemmyn, otta, yth av dhe'm pobel; deus, my a'th warn a'n pyth a wra an bobel ma dhe'th pobel jy y'n dydhyow diwettha.’

Luk 2:26

Ha re bia diskwedhys dhodho gans an Spyrys Sans na vedha ow kweles ankow kyns ev dhe weles an Krist a'n Arloedh.

Oberow 2:17

“Hag y fydh y'n dydhyow diwettha, yn-medh Duw, my a dhinwa a'm Spyrys war gig oll, ha'gas mebyon ha'gas myrghes a wra profoesa ha'gas gwer yowynk a wra gweles gwelesigethow ha'gas gwer goth a wra hunrosa hunrosow;

Dewteronomi 31:12

Kuntell an bobel, an wer, ha'n benynes, ha'n fleghes, ha'n alyon usi y'th yetys, rag may klewvons ha rag may tyskons ha perthi own a'n Arloedh agas Duw ha gwaytyas gul oll geryow an lagha ma,

Dewteronomi 4:30

Pan vydhydh yn ahwer, hag oll an taklow ma yw devedhys warnas y'n dydhyow diwettha, mar tehwelydh dhe'n Arloedh dha Dhuw hag obaya y lev,

1 Timothi 4:1

An Spyrys a lever yn tiblans re dhe asa an fydh yn termynyow diwettha ha gul vri a fals spyrysyon ha dyskasow dywolow;

2 Timothi 3:1

Ha godhvydh hemma, y'n diwettha dydhyow y teu termynyow kales,

Ebrowyon 1:2

mes y'n dydhyow diwettha ma ev re gewsis dhyn dre Vab, neb a wrug y ordena an her a bup-tra, dredho ynwedh may hwrug an oesow,

Ebrowyon 13:1

Pesyes kerensa dhe breder.

Diskwedhyans 4:1

Wosa hemma my a viras, hag otta daras igerys y'n nev, ha'n kynsa lev a glewis kepar ha hirgorn ow kewsel genev, ow leverel, ‘Deus yn-bann omma, ha my a vynn diskwedhes dhis an taklow a res hwarvos wosa hemma.’