Jenesis 48:4 - An Bibel Kernewek 20234 (Kernewek Kemmyn)

⁴ ha leverel dhymm, “Awotta, my a vynn gul dhis doen frut ha kressya; ha my a wra dhis bos kemmynieth a genedhlow; ha my a re an tir ma dhe'th has war dha lergh dh'y berghenna bys vykken.”

Jenesis 48:4 Iomraidhean Croise

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

Jenesis 17:13

Neb yw genys y'th chi ha neb yw prenys gans mona a dal bos trodreghys; ow hevambos a vydh a-bervedh y'th kig rag kevambos bys vykken.

Jenesis 17:6

Ha my a'th wra dhe dhoen meur a frut, ha my a wra kenedhlow ahanas, ha myghternedh a dheu yn-mes ahanas.

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

Jenesis 22:17

my a wra dha venniga yn surredi, ha kressya dha has kepar ha ster an nevow ha kepar ha'n tewes war dreth an mor, ha'th has a wra erita yet y eskerens.

Jenesis 26:4

Ha my a vynn ynkressya dha has kepar ha ster an nev, ha my a re dhe'th has oll an powyow ma. Oll kenedhlow an norvys a vydh owth omvenniga y'th has:

Jenesis 28:3

Ha re'th vennikko Duw Ollgalloesek ha gul dhywgh doen frut hag ynkressya ha dos ha bos kemmynieth a boblow,

Jenesis 32:12

Ha ty a leveris, “Yn sur my a wra da genes, ha my a worr dha has kepar ha tewes an mor na yll bos reknys drefenn an niver bras anodho.” ’

Jenesis 35:11

Hag yn-medh Duw dhodho, ‘My yw Duw Ollgalloesek; degewgh frut ha kressewgh; kenedhel ha kemmynieth a genedhlow a dheu dhiworthis, ha myghternedh a dheu yn-mes a'th tiwglun.

Jenesis 46:3

Hag yn-medh ev, ‘My yw Duw, Duw dha das Ysak. Na borth own a vos yn-nans dhe Ejyp, rag ena my a wra dhis bos kenedhel vras.

Jenesis 47:27

Ytho Ysrael a drigas yn pow Ejyp, yn pow Goshen. I a gavas tiryow ena, ha doen frut, ha kressya yn feur.

Salmow 127:3

Otta, ertach an Arloedh yw mebyon, frut an brys yw y wober ev.

Eksodus 1:11

Ha warnedha i a ordenas mestrysi hwel rag aga arwaska gans beghyow poes, hag i a dhrehevis sitys-gwithva rag Faro, Pithom ha Rameses;

Eksodus 1:7

ha mebyon Ysrael a dhug frut, hesya a wrussons ha palshe, ha galloesek dres eghenn ens, ha'n tiredh o lenwys gansa.

Ezekiel 37:25

I a drig y'n tir a res vy dhe'm gwas Yakob, mayth esa agas tasow trigys ynno. I ha'ga mebyon, ha mebyon aga mebyon a drig ynno bys vykken, ha Davydh ow gwas a vydh pennsevik dhedha bys vynitha.

Levitikus 26:9

My a dreyl dhywgh, ha'gas gul feyth, ha'gas ynkressya, ha fastya ow kevambos genowgh.

Dewteronomi 32:8

Pan ros an Ughella aga eretons dhe'n kenedhlow, pan rannas mebyon den, ev a settyas oryon poblow war-lergh niver mebyon Ysrael.