Jenesis 48:14 - An Bibel Kernewek 20234 (Kernewek Kemmyn)

¹⁴ Hag Ysrael a ystynnas y leuv dhyghow ha'y gorra war benn Efraym, an yowynka, ha'y leuv gledh war benn Manasse. Ev a worras y dhiwla a-dreus, kynth o Manasse an kynsa-genys.

Jenesis 48:14 Iomraidhean Croise

Jenesis 41:51

Ha Yosep a elwis hanow an kynsa-genys Manasse, ‘rag Duw re wrug dhymm ankevi oll ow throbel hag oll chi ow thas.’

Jenesis 41:52

Hag ev a elwis hanow an nessa Efraym, ‘rag Duw re wrug dhymm doen frut yn pow ow galarow.’

Jenesis 46:20

Y feu dineythys dhe Yosep yn pow Ejyp Manasse hag Efraym, neb a wrug Asenath myrgh Potifera, oferyas On dineythi dhodho.

Jenesis 48:13

Ha Yosep a's kemmeras aga dew, Efraym yn y dhorn dhyghow a-gledh dhe Ysrael, ha Manasse yn y dhorn gledh a-dhyghow dhe Ysrael; hag ev a's dros nes dhodho.

Jenesis 48:17

Pan welas Yosep bos y das ow korra y leuv dhyghow war benn Efraym, kamm o henna yn y dhewlagas; hag ev a synsis leuv y das dh'y threylya dhiworth penn Efraym dhe benn Manasse.

Jenesis 48:18

Hag yn-medh Yosep dh'y das, ‘Nansi, ow thas; rag hemm yw an kynsa-genys. Gorr dha leuv dhyghow war y benn ev.’

Salmow 110:1

An Arloedh a leveris dhe'm Arloedh, ‘Esedh orth ow leuv dhyghow, erna wrylliv dha eskerens dha skavell-droes.’

Salmow 118:16

Leuv dhyghow an Arloedh yw ughelhes; leuv dhyghow an Arloedh a wra taklow galloesek.

Eksodus 15:6

‘Dha leuv dhyghow, A Arloedh, yw gormelys yn nerth, dha leuv dhyghow, A Arloedh, a vrew an eskar.

Niverow 2:18

‘War-tu ha'n howlsedhes y fydh baner kamp Efraym herwydh aga luyow; ha hembrenkyas mebyon Efraym a vydh Elishama mab Ammihud,

Niverow 8:10

Pan dhredh an Levysi a-rag an Arloedh, mebyon Ysrael a worr aga diwleuv war an Levysi.

Niverow 8:18

ha my re gemmeras an Levysi yn le pub kynsa-genys yn mysk mebyon Ysrael.

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Matthew 19:13

Ena y feu dres dhodho fleghesigow rag ev dhe worra y dhiwla warnedha ha pysi; mes an dhyskyblon a geredhis an dus.

Matthew 19:15

Ha wosa ev dhe worra y dhiwla warnedha yth omdennas alena.

Matthew 6:5

‘Ha ty pan byssi, na vydh avel an falswesyon, rag i a gar pysi ow sevel a-bervedh y'n synagys ha war gernow an stretys, may hallons bos gwelys gans tus; yn hwir y lavarav dhywgh, i re's teva aga gober.

Luk 13:13

Hag ev a worras y dhiwleuv warnedhi; ha hware hi a sevis a'y sav ha gordhya Duw.

Luk 4:40

Lemmyn pan veu an howl ow sedhi, oll myns a'n jeva tus klav gans divers klevesow a's dros dhodho; hag ev a worras y dhiwleuv war bubonan anedha ha'ga yaghhe.

Oberow 13:3

Ytho pan benyssens ha pysi i a worras aga diwla warnedha ha'ga dannvon yn-kerdh.

Oberow 6:6

I a settyas an re ma a-dherag an abesteli, hag i a bysis ha gorra aga diwla warnedha.

Dewteronomi 34:9

Ha Yoshua mab Nun o lenwys a'n spyrys a furneth, drefenn Moyses dhe worra y dhiwla warnodho; ytho mebyon Ysrael a woslowas orto ha gul kepar dell worhemmynnis an Arloedh dhe Moyses.

1 Timothi 4:14

Na wra dispresya an ro usi ynnos a veu res dhiso dre brofoesans gans gorra diwla an henavogyon warnas.

1 Timothi 5:22

Na worr diwla yn uskis war dhenvyth, ha na gemmer rann yn peghadow tus erell. Gwra omwitha dha honan glan.