Jenesis 48:10 - An Bibel Kernewek 20234 (Kernewek Kemmyn)

¹⁰ Ha tewl o dewlagas Ysrael dre gothni ha ny ylli gweles. Ytho ev a's dros nes dhodho hag ev a ammas dhedha ha'ga byrla.

Jenesis 48:10 Iomraidhean Croise

Jenesis 27:1

Ysak gyllys koth, ha re wann y dhewlagas dhe weles, ev a elwis Esaw y vab kottha ha leverel dhodho, ‘Ow mab’; hag ev a leveris, ‘Ottavy.’

Jenesis 27:27

Ev a dheuth nes hag amma dhodho; hag ev a glewas blas y dhillas ha'y venniga, ha leverel, ‘Mir, blas ow mab yw kepar ha blas gwel re wrug an Arloedh y venniga.

Jenesis 31:55

Ha Laban a sevis myttin a-varr hag amma dh'y vebyon ha'y vyrghes ha'ga benniga; ha Laban eth yn-kerdh ha dehweles dh'y dyller ev.

Jenesis 45:15

Hag ev a ammas dhe oll y vreder hag oela warnedha, ha wosa henna yth esa y vreder ow kewsel ganso.

Jenesis 48:11

Hag yn-medh Ysrael dhe Yosep, ‘Ny wrussen gwaytyas gweles dha fas, mes otta, Duw re dhiskwedhas dhymm dha has ynwedh.’

Jenesis 48:8

Ysrael a welas mebyon Yosep ha leverel, ‘Piw yw an re ma?’

1 Myghternedh 19:20

Ev a asas an oghen, poenya war-lergh Elias, ha leverel, ‘Gas vy dhe amma dhe'm tas ha dhe'm mamm, hag ena my a'th siw.’ Ena Elias a leveris dhodho, ‘Dehwel arta; rag pandr'a wrug vy dhis?’

Ekklesiastes 12:3

y'n jydh may kren gwithysi an chi, ha gwarrgromm yw an wer grev, ha'n valoryon a hedh drefenn i dhe dhos ha bos boghes, ha'n re a vir yn-mes der an fenestri yw tewlhes,

Ysay 59:1

Awotta, nyns yw leuv an Arloedh re verr dhe sawya, ha nyns yw y skovarn re boes dhe glewes.

Ysay 6:10

Gwra kolonn an bobel ma tew, ha gwra aga diwskovarn poes, ha sel aga dewlagas, ma na glewons der aga dewlagas ha gweles der aga diwskovarn ha konvedhes der aga holonn, hag i a dreyl ha bos sawys.’

Dewteronomi 34:7

Ha Moyses o hwegh ugens bloedh pan verwis; ny veu y lagas gwannhes, ha ny veu y nerth lehes.

1 Samuel 3:2

Y'n termyn na, yth esa Eli, may tallathsa y dhewlagas fyllel ma na ylli gweles, ow krowedha yn y le;

1 Samuel 4:15

Lemmyn Eli o etek bloedh ha peswar-ugens ha'y dhewlagas a fallsa, ma na ylli gweles.