Jenesis 47:4 - An Bibel Kernewek 20234 (Kernewek Kemmyn)

⁴ Hag yn-medhons i dhe Faro, ‘Ni re dheuth dhe driga y'n pow, rag nyns eus peurva yn pow Kanan rag flokk dha wesyon, rag tynn yw an divoetter yn pow Kanan. Ytho lemmyn, gas dha wesyon dhe driga yn pow Goshen, ni a'th pys.’

Jenesis 47:4 Iomraidhean Croise

Jenesis 12:10

Mes yth esa divoetter y'n pow; ytho Abram eth yn-nans dhe Ejyp dhe driga ena, rag bos an divoetter poes y'n pow.

Jenesis 15:13

Ena ev a leveris dhe Abram, ‘Godhvydh yn sur y fydh dha has alyons yn pow nag yw dhedha i, hag i a wra aga servya; hag i a wra aga arwaska peswar kans blydhen.

Jenesis 43:1

Tynn o an divoetter y'n pow.

Jenesis 45:10

Ha ty a drig yn pow Goshen, ha ty a vydh ogas dhymmo, ty ha'th vebyon, ha mebyon dha vebyon, ha'th flokkys ha'th chatel, ha pup-tra eus dhis.

Jenesis 46:34

res yw dhywgh leverel, “Dha wesyon yw gwithysi enyvales a-dhia agan yowynkneth bys y'n eur ma, ha ni ha'gan tasow”, rag may hyllowgh triga yn pow Goshen; rag pub bugel deves yw kasadow dhe'n Ejyptianys.’

Jenesis 47:5

Ena Faro a gewsis orth Yosep, ow leverel, ‘Dha das ha'th vreder re dheuth dhis.

Salmow 105:23

Ena Ysrael a dheuth yn Ejyp, ha Yakob a drigas avel alyon yn pow Ham.

Ysay 52:4

Rag yndellma y lever an Arloedh Duw: Nans yw pell ow fobel eth yn-nans dhe Ejyp, dhe driga ena avel estrenyon, hag Assyria ynwedh a's gwaskas heb ken.

Oberow 7:11

Lemmyn y teuth divoetter dres oll Ejyp ha Kanan, ha poenvotter meur, ha ny ylli agan tasow kavoes boes.

Oberow 7:6

Ha Duw a gewsis yndella, y fedha y henedh alyons yn tir tus erell; hag i a's gwre kethyon ha'ga thebeldhyghtya dres peswar kans blydhen;

Dewteronomi 26:5

Ena ty a worthyp ha leverel a-rag an Arloedh dha Dhuw, ‘Aramean gwandrek o ow thas, hag ev eth yn-nans dhe Ejyp ha godriga ena gans boghes tus hag ena mos ha bos kenedhel vras, krev ha niverus.