Jenesis 47:30 - An Bibel Kernewek 20234 (Kernewek Kemmyn)

³⁰ My a vynn growedha gans ow thasow. Dog vy yn-bann mes a Ejyp ha'm ynkleudhyas yn aga bedh i.’ Hag ev a leveris, ‘My a wra war-lergh dha er.’

Jenesis 47:30 Iomraidhean Croise

Jenesis 15:15

Ha ty a wra mos dhe'th tasow yn kres, ha bos ynkleudhys yn kothni dha.

Jenesis 23:17

Ytho park Efron a veu statyes, esa yn Makpela a-dal Mamre: an park ha'n kav esa ynno hag oll an gwydh esa y'n park yn oll an emlow a-dro,

Jenesis 23:19

Wosa hemma, Abraham a ynkleudhyas Sara y wreg y'n kav a bark Makpela a-dal Mamre, yw Hebron yn pow Kanan.

Jenesis 25:10

an park a brenas Abraham dhiworth mebyon Heth. Abraham a veu ynkleudhys ena gans y wreg Sara.

Jenesis 25:9

Y vebyon Ysak hag Yshmael a'n ynkleudhyas y'n kav Makpela orth park Efron mab Soar an Hittyas, usi a-dal Mamre,

Jenesis 35:29

Hag Ysak a dremenas hag a verwis, hag a veu kuntellys dh'y bobel, leun a dhydhyow; ha'y vebyon Esaw ha Yakob a'n ynkleudhyas.

Jenesis 50:25

Ha Yosep a wrug dhe vebyon Ysrael gul ti, ow leverel, ‘Sur yw, y fydh Duw orth agas visitya, ha hwi a dheg ow eskern yn-bann alemma.’

2 Samuel 19:37

My a'th pys, gas dha was dhe dreylya dhe-dre, may hallav merwel a-ji dhe'm sita ow honan, nes dhe vedh ow thas ha mamm. Mes awotta dha was Kimham; gas ev dhe dreusi gans ow arloedh an myghtern; ha gul ragdho pypynag a hevel da y'th tewlagas.’

2 Samuel 2:32

I a gemmeras Asahel yn-bann, ha'y ynkleudhyas yn bedh y das, esa yn Bethlehem. Yoab ha'y wer a gerdhas der oll an nos na, hag i a dheuth dhe Hebron orth tardh an jydh.

1 Myghternedh 13:22

mes dehweles ha dybri boes hag eva dowr y'n tyller may leveris dhis, “Na dheber boes vyth na eva dowr vyth”, ny dheu dha gorf dhe vedh dha dasow.’

Nehemia 2:3

My a leveris dhe'n myghtern, ‘Re vewo an myghtern bys vykken! Prag na via ow fas trist, pan yw difeyth an sita, tyller bedhow ow thasow, ha hy yetow re beu distruys gans tan?’

Nehemia 2:5

Ha my a leveris dhe'n myghtern, ‘Mar pleg dhe'n myghtern ha mar kavas dha was favour y'th wolok, dannvon vy dhe Yuda, dhe sita bedhow ow thasow, ma's dastrehaffen vy.’

Dewteronomi 31:16

Ha'n Arloedh a leveris dhe Moyses, ‘Otta, ty a gosk gans dha dasow, ha'n bobel ma a dhrehav ha horya war-lergh duwow astranj an tir mayth ons dhi yn aga mysk. I a'm forsak ha terri ow hevambos a wrugavy gansa.