Jenesis 47:24 - An Bibel Kernewek 20234 (Kernewek Kemmyn)

²⁴ Ha peskweyth may fo trevas, hwi a re an pympes rann dhe Faro, ha gwitha peder rann ragowgh hwi rag hasa y'n park ha rag boes ragowgh hwi ha'n re yn agas chiow, ha rag boes rag agas fleghes

Jenesis 47:24 Iomraidhean Croise

Jenesis 14:20

Ha benniges re bo Duw Ughella neb a dhaskorras dha eskerens a-berth yn dha dhorn.’ Hag ev a ros dhodho dega a bup-tra.

Jenesis 14:21

Ena myghtern Sodom a leveris dhe Abram, ‘Ro dhymm an dus ha kemmer an pythow dhiso jy dha honan.’

Jenesis 28:22

ha'n men ma a wrugavy y settya yn-bann avel peulven a vydh chi Duw; hag a bup-tra a redh dhymm, my a re dhis an dega.’

Jenesis 41:34

Re settyo Faro soedhogyon war an wlas ha kemmeres an pympes rann a drevas pow Ejyp y'n seyth blydhen a balster.

Jenesis 47:23

Ena Yosep a leveris dhe'n bobel, ‘Otta, my re'gas prenas hwi ha'gas tir hedhyw a-barth Faro. Ottomma has ragowgh dhe hasa y'n tir.’

Jenesis 47:25

Hag yn-medhons i, ‘Ty re sawyas agan bewnans. Gwren ni kavoes gras yn golok ow arloedh, ha ni a vydh kethwesyon dhe Faro.’

Salmow 112:5

Dremas yw grassyes hag ev a re kendon; ev a dhyght y negysyow gans breus.

Salmow 41:1

Gwynnvys neb a wra vri a'n den gwann; an Arloedh a'n delirv yn dydh anken.

Levitikus 27:30

Oll dega an tir, has an tir po frut an gwydh kyn fo, a vydh dhe'n Arloedh. Sans yw dhe'n Arloedh.

Levitikus 27:32

Hag oll dega an chatel po an flokk, pup-tra a dremenno yn-dann welenn an bugel, an degves a vydh sans dhe'n Arloedh.

Niverow 18:21

Dhe'n Levysi my re ros pub dega yn Ysrael rag eretons, yn attal a'ga servis a wrons, aga servis yn tylda an kuntelles.

Dewteronomi 14:22

Bydh sur may tegeffi oll askorr dha has a dheu yn-mes a'n gwel blydhen wosa blydhen.

Dewteronomi 26:12

Wosa kowlwul degevi pub dega a'th askorr y'n tressa blydhen, blydhen an dega, ena ty a re dhe'n Levyas, dhe'n alyon, dhe'n omdhivas ha dhe'n wedhwes, may tepprons y'th yetys ha bos gwalghys.