Jenesis 46:4 - An Bibel Kernewek 20234 (Kernewek Kemmyn)

⁴ Yth av vy yn-nans genes dhe Ejyp, ha my a wra dha dhri arta yn-bann. Ha Yosep a worr y leuv war dha dhewlagas.’

Jenesis 46:4 Iomraidhean Croise

Jenesis 28:15

Hag awotta, yth esov vy genes, ha my a'th with plepynag mayth ylli. My a'th tre arta dhe'n dor ma, rag ny wrav dha asa erna wrylliv an pyth re gewsis dhis anodho.’

Jenesis 48:21

Hag yn-medh Ysrael dhe Yosep, ‘Otta, yth esov ow merwel, mes y fydh Duw genowgh ha'gas dri arta dhe bow agas tasow.

Jenesis 50:1

Ena Yosep a goedhas war fas y das, hag oela warnodho, hag amma dhodho.

Jenesis 50:13

Ha'y vebyon a'n dug yn-bann dhe bow Kanan, ha'y ynkleudhyas yn kav gwel Makpela a wrug Abraham y brena gans an gwel avel perghennogeth rag ynkleudhva, dhiworth Efron an Hittyas, a-dherag Mamre.

Jenesis 50:5

“Ow thas a wrug dhymm gul ti, ow leverel, Otta, yth esov ow merwel. Ty a wra ow ynkleudhyas y'm bedh a wrug vy y gleudhya ragov yn pow Kanan.” Ytho lemmyn, gas vy dhe vos yn-bann, my a'th pys, hag ynkleudhyas ow thas, ha dehweles.’

Eksodus 3:17

hag ambosa a wrav agas dri yn-bann yn-mes a galar Ejyp dhe bow an Kananysi, an Hittysi, an Amorysi, an Perizzysi, an Hivysi ha'n Yebusysi, tir a dhinwa leth ha mel.”

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.