Jenesis 46:2 - An Bibel Kernewek 20234 (Kernewek Kemmyn)

² Ha Duw a gewsis orth Ysrael dre welesigethow y'n nos ha leverel, ‘Yakob, Yakob.’ Hag yn-medh ev, ‘Ottavy.’

Jenesis 46:2 Iomraidhean Croise

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Jenesis 15:13

Ena ev a leveris dhe Abram, ‘Godhvydh yn sur y fydh dha has alyons yn pow nag yw dhedha i, hag i a wra aga servya; hag i a wra aga arwaska peswar kans blydhen.

Jenesis 20:3

Mes Duw a dheuth dhe Abimelek yn hunros yn nos ha leverel dhodho, ‘Awotta, den marow osta, drefenn an venyn re wruss'ta kemmeres; rag demmedhys yw hi dhe wour.’

Jenesis 22:1

Ha wosa an hwarvosow ma Duw a brovas Abraham ha leverel dhodho, ‘Abraham!’ Hag yn-medh ev, ‘Awottavy.’

Jenesis 22:11

Mes el an Arloedh a elwis dhodho mes a nev ha leverel, ‘Abraham, Abraham!’ Hag yn-medh ev, ‘Ottavy.’

Jenesis 31:11

Hag el Duw a leveris dhymm yn hunros, “Yakob”, ha my a leveris, “Ottavy.”

2 Kroniklys 26:5

Yth esa ow hwilas mynnas Duw yn dydhyow Zekaria, neb a'n dyskas yn own Duw. Hedre ve ow hwilas mynnas an Arloedh, Duw a wrug dhodho seweni.

Job 4:13

Yn mysk prederow anes dhiworth gwelesigethow an nos, pan goedh kosk down war dus,

Daniel 2:19

Ena y feu displetys an kevrin dhe Daniel dre welesigeth yn nos. Ena Daniel a vennigas Duw nev.

Zekaria 1:8

Y'n nos my a viras, hag otta gour ow marghogeth war vargh rudh, ow sevel yn mysk an myrtwydh yn kownans, hag a-dryv dhodho mergh rudh, gorm ha gwynn.

Niverow 12:6

Hag ev a leveris, ‘Klewewgh ow geryow: Mars eus profoes yntredhowgh, my an Arloedh a vydh aswonnys dhodho yn gwelesigeth, my a gews orto yn hunros.

Niverow 24:4

ger anodho ev neb a glew geryow Duw, neb a wel gwelesigeth an Ollgalloesek, ow koedha yn transyek, mes ankudhys y dhewlagas:

Oberow 10:13

Ha lev a dheuth dhodho, ‘Sav yn-bann, Peder; ladh ha deber.’

Oberow 10:3

A-dro dhe nawves eur an jydh ev a welas diblans yn hunros el Duw ow mos dhodho hag ow leverel dhodho, ‘Kornelius.’

Oberow 16:9

Ha gwelesigeth a omdhiskwedhas dhe Powl y'n nos: yth esa gour a Makedonia ow sevel, hag ev a'n pysis ow leverel, ‘Deus a-dreus bys yn Makedonia, ha gweres ni.’

Oberow 9:10

Lemmyn yth esa yn Damaskus unn dyskybel henwys Ananias, ha'n Arloedh a leveris dhodho yn hunros, ‘Ananias.’ Hag yn-medh ev, ‘Ottavy, Arloedh.’

Oberow 9:4

hag ev a goedhas dhe'n dor, ha klewes lev ow leverel dhodho, ‘Sowl, Sowl, prag y'm helghydh vy?’

Breusysi 7:2

An Arloedh a leveris dhe Gideon, ‘An re usi genes yw moy es dell eus edhomm dhymm dhe ri an Midyanysi yn aga leuv. Ny wra Ysrael marnas kemmeres an bri dhiworthiv, ow leverel, “Ow leuv evy re'm delivras.”

Breusysi 7:9

Y'n keth nos an Arloedh a leveris dhodho, ‘Sa'bann hag omsett erbynn an kamp; rag my re'n ros y'th leuv.

1 Samuel 3:10

Ha'n Arloedh a dheuth ha sevel ena ha gelwel kepar ha kyns, ‘Samuel! Samuel!’ Ha Samuel a leveris, ‘Kows, rag yma dha was ow koslowes.’

1 Samuel 3:4

Ena an Arloedh a elwis dhe Samuel, hag ev a worthybis, ‘Ottavy!’