Jenesis 46:1 - An Bibel Kernewek 20234 (Kernewek Kemmyn)

¹ Ytho Ysrael a dravalyas gans pup-tra esa dhodho ha dos dhe Beer-sheba ha sakrifia sakrifisow dhe Dhuw y das Ysak.

Jenesis 46:1 Iomraidhean Croise

Jenesis 12:8

Ena ev eth alena bys yn menydh a'n est dhe Bethel ha settya y dylda yn-bann yntra Bethel y'n howlsedhes hag Ay y'n est, ha drehevel ena alter dhe'n Arloedh ha gelwel war hanow an Arloedh.

Jenesis 21:14

Hag Abraham a sevis yn-bann ternos vyttin a-varr ha kemmeres bara ha kroghen dowr ha'ga ri dhe Hagar orth aga gorra war hy diwskoedh, ha'n flogh, ha'y dannvon dhe-ves, ha hi eth yn-kerdh ha gwandra yn difeythtir Beer-sheba.

Jenesis 21:31

Rag hemma ev a elwis an tyller ma Beer-sheba drefenn i dhe di ena, aga dew.

Jenesis 21:33

Hag Abraham a blansas tamariskenn yn Beer-sheba ha gelwel ena war hanow an Arloedh, Duw heb diwedh.

Jenesis 22:13

Hag Abraham a dhrehevis y dhewlagas hag awotta, war y lergh hordh maglennys der y gern yn prysk, hag Abraham eth ha kemmeres an hordh ha'y offrynna avel offrynn leskys yn le y vab.

Jenesis 28:10

Ha Yakob eth yn-mes dhiworth Beer-sheba ha mos troha Haran.

Jenesis 28:13

Hag awotta, yth esa an Arloedh ow sevel a-ughti, hag yn-medh ev, ‘My yw an Arloedh, Duw Abraham dha das ha Duw Ysak. My a re an tir esos ow krowedha warnodho dhiso jy ha dhe'th has.

Jenesis 31:42

Na ve genev vy Duw ow thas, Duw Abraham, hag Own Ysak, sur yw y hwruss'ta lemmyn ow dannvon gwag yn-kerdh. Duw a welas ow galarow ha lavur ow dorn, hag ev a'th rebukyas nyhewer.’

Jenesis 31:53

Re bo Duw Abraham ha Duw Nahor, Duw aga thas, breus yntredhon’; ha Yakob a dos re Own y das Ysak.

Jenesis 33:20

Hag ev a dhrehevis ena alter, ha'y elwel El-elohe-ysrael.

Jenesis 35:3

ha gesewgh ni dhe sevel ha mos yn-bann dhe Bethel, ha gul alter ena dhe'n Duw a'm gorthybis yn dydh ow foenvotter, hag esa genev y'n fordh may kerdhis.’

Jenesis 35:7

Hag ev a dhrehevis alter ena ha gelwel an tyller El-bethel, rag Duw a omdhiskwedhas dhodho ena pan esa ow fia dhiworth fas y vroder.

Jenesis 4:4

Hag Abel ynwedh a dros rann a'n re gynsa-genys a'y flokk, hag a'ga blonek. Ha'n Arloedh a viras orth Abel ha'y offrynn.

Jenesis 45:28

Hag yn-medh Ysrael, ‘Lowr yw! Ow mab Yosep yw hwath yn few. My a vynn mos dh'y weles kyns merwel.’

Jenesis 8:20

Ha Noy a dhrehevis alter dhe'n Arloedh ha kemmeres rann a'n bestes glan ha'n ydhyn glan hag offrynna offrynnow leskys war an alter.

Job 1:5

Ha pan dho kylgh an kevewi dhe benn, Job a dhannvona ha'ga sakra, hag ev a sevi myttin a-varr hag offra offrynnow leskys herwydh an niver anedha oll, rag Job a leveri, ‘Martesen ow mebyon re beghas ha milliga Duw yn aga holonn.’ Yndella y hwre Job prest.

Job 42:8

Rakhenna kemmerewgh lemmyn dhywgh seyth tarow ha seyth hordh ha mos dhe'm gwas Job hag offrynna ragowgh offrynn leskys, ha'm gwas Job a bys ragowgh ha my a dhegemmer y bysadow, ha ny'gas dyghtyav herwydh agas follenep; rag ny gewssowgh ahanav an pyth yw ewn, kepar dell wrug ow gwas Job.’

Amos 7:9

Tylleryow ughel Ysak a vydh forsakys, ha sentris Ysrael a vydh difeythys ha my a sev erbynn chi Yeroboam gans an kledha.

Oberow 7:15

Ytho Yakob eth yn-nans dhe Ejyp, hag ev ha'gan tasow a verwis,

Yoshua 24:4

ha dhe Ysak my a ros Yakob hag Esaw. My a ros dhe Esaw menydh Seir rag y gavoes yn perghennogeth, mes Yakob ha'y vebyon eth yn-nans dhe Ejyp.

1 Samuel 3:20

Hag oll Ysrael dhiworth Dan bys yn Beer-sheba a wodhya bos Samuel apoyntys profoes lel a'n Arloedh.

1 Samuel 8:2

Hanow y gynsa-genys o Yoel, ha hanow y nessa, Abia; breusysi ens yn Beer-sheba.