Jenesis 45:5 - An Bibel Kernewek 20234 (Kernewek Kemmyn)

⁵ Ha lemmyn, na vedhewgh yn ahwer, na vedhes sorr yn agas lagasow hwi dhe'm gwertha omma; rag Duw re'm dannvonas dheragowgh dhe witha bewnans.

Jenesis 45:5 Iomraidhean Croise

Jenesis 37:28

Ena tus a Midyan, gwikoryon, a dremenas, hag i a dennas Yosep ha'y dhrehevel yn-mes a'n puth; hag i a'n gwerthas dhe'n Yshmaelysi a ugens bath a arghans, hag i a dhros Yosep dhe Ejyp.

Jenesis 47:25

Hag yn-medhons i, ‘Ty re sawyas agan bewnans. Gwren ni kavoes gras yn golok ow arloedh, ha ni a vydh kethwesyon dhe Faro.’

Jenesis 50:19

Mes yn-medh Yosep dhedha, ‘Na berthewgh own. Esov vy yn le Duw?

Jenesis 50:20

Ha hwi, hwi a dewlis droktra er ow fynn; Duw a'n tewlis dhe vos dader, may teffa an dra dell yw y'n jydh hedhyw: dhe witha tus pals yn few.

Jenesis 50:21

Ha lemmyn, na berthewgh own. My a vynn agas sostena, hwi ha'gas fleghes.’ Hag ev a's konfortyas ha kewsel orta yn kuv.

2 Samuel 12:12

Rag ty a'n gwrug yn-dann gel; mes my a wra hemma a-rag oll Ysrael, hag a-rag an howl.’

2 Samuel 17:14

Hag Absalom hag oll gwer Ysrael a leveris, ‘Kusul Hushay an Arkyas yw gwell ages kusul Ahithofel.’ Rag an Arloedh re worhemmynnsa dhe lesta kusul dha Ahithofel, may halla an Arloedh dri drog war Absalom.

Ester 4:14

Rag mar tewydh yn tien y'n eur ma, ha difresyans ha selwyans a dheu dhe'n Yedhewon dhiworth tyller arall, ty ha chi dha das a vydh distruys: ha piw a woer na vesta devedhys dhe'th savla ryel rag termyn a'n par ma?’

Job 1:21

Hag ev a leveris, ‘Noeth y teuth vy dhiworth torr ow mamm, ha noeth y tehwelav ena; an Arloedh a ros, ha'n Arloedh re gemmeras dhe-ves; benniges re bo hanow an Arloedh.’

Luk 23:34

Ha Yesu a leveris, ‘A Das, gav dhedha, rag ny wodhons pandr'a wrons.’ Hag i a rannas y dhillas ow tewlel prenn.

2 Korinthianys 2:11

ma na wrella Satnas agan treylya dh'y les y honan; rag nyns on ni heb godhvos a-dro dh'y dowlow.

2 Korinthianys 2:7

ytho lemmyn, yn le henna y tegoedh dhywgh gava dhodho ha'y gonfortya, ma na ve den a'n par na fethys dre alar re vras;

Filemon 1:15

Martesen rakhenna y feu ev diberthys dhiworthis berr dermyn ma'n degemmerri bys vykken,

1 Samuel 1:19

Myttin a-varr i a sevis ha gordhya a-dherag an Arloedh, hag ena i a dhehwelis dh'aga chi dhe Rama. Hag Elkana a aswonnis y wreg, ha'n Arloedh a borthas kov anedhi.