Jenesis 45:3 - An Bibel Kernewek 20234 (Kernewek Kemmyn)

³ Hag yn-medh Yosep dh'y vreder, ‘My yw Yosep. Yw ow thas hwath yn few?’ Ha ny ylli y vreder gorthybi rag dyegrys ens a-dheragdho.

Jenesis 45:3 Iomraidhean Croise

Jenesis 37:20

Deun lemmyn ha gwren ni y ladha ha'y dewlel yn onan a'n puthow, ha leverel, neb unn tebel vest dh'y dhybri; ha ni a welvydh pandr'a vydh y hunrosow.’

Jenesis 42:21

Hag i a leveris an eyl dh'y gila, ‘Yn hwir, kablus on ni a'gan broder, rag ni a welas anken y enev pan wrug ev pysi mersi warnan, ha ny wrussyn ni goslowes. Rakhenna re goedhas warnan an anken ma.’

Jenesis 42:22

Ha Rewben a worthybis dhedha ha leverel, ‘A ny wrug vy kewsel orthowgh ow leverel, “Na beghewgh erbynn an maw?” mes ny wrussowgh goslowes. Ytho lemmyn y woes yw rekwirys dhiworthyn.’

Jenesis 43:27

Hag ev a wovynnas orta fatell ens, ow leverel, ‘Usi agas tas yn poynt da, an den koth a wrussowgh kewsel anodho? Yw ev hwath yn few?’

Job 23:15

Rakhenna dyegrys ov a-dheragdho; pan brederav, yma own dhymm anodho.

Job 4:5

Mes lemmyn ev re dheuth dhis, ha heb perthyans os; ev a'th toch, ha penndegys os.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Mark 6:50

rag i a'n gwelas yn kettep onan hag euth esa dhedha. Mes hware ev a gewsis gansa ha leverel dhedha, ‘Gwellhewgh agas cher, my yw; na berthewgh own.’

Luk 5:8

Simon Peder pan y'n gwelas a goedhas orth dewlin Yesu ow leverel, ‘Diberth dhiworthiv, rag gour peghus ov, A Arloedh.’

Oberow 7:13

ha'n nessa gweyth Yosep a veu aswonnys gans y vreder, ha Faro a wodhya a-dro dhe deylu Yosep.

Oberow 9:5

Yn-medh ev, ‘Piw osta, Arloedh?’ Hag ev a leveris, ‘My yw Yesu, neb a helghydh.

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.