Jenesis 44:21 - An Bibel Kernewek 20234 (Kernewek Kemmyn)

²¹ Ha ty a leveris dhe'th wesyon, “Doro ev yn-nans dhymmo vy may hylliv settya ow lagas warnodho.”

Jenesis 44:21 Iomraidhean Croise

Jenesis 42:15

Yndellma hwi a vydh prevys. Re vewnans Faro, ny vydhowgh ow mos yn-mes alemma marnas agas broder yowynka a dheu omma.

Jenesis 42:20

Mes agas broder yowynka, gwrewgh y dhri dhymmo vy, may fo agas geryow prevys gwir; ha ny wrewgh merwel.’ Hag i a wrug yndella.

Jenesis 43:29

Mes ev a dhrehevis y dhewlagas ha gweles Benyamin y vroder, mab y vamm ev, ha leverel, ‘Yw hemma agas broder yowynka, re wrussowgh hwi kewsel dhymm anodho?’ Ena yn-medh ev, ‘Re bo Duw grassyes dhis, ow mab’,

Jenesis 44:22

Ha ni a leveris dhe'm arloedh, “Ny yll an maw gasa y das. Mar kwrella gasa y das, ev a vawrsa”

Yeremia 24:6

Rag my a sett ow golok warnedha rag da, ha my a's dre arta dhe'n tir ma. My a's drehav, ha ny's tennav dhe'n dor; my a'ga flans, ha ny's diwreydhyav.

Yeremia 40:4

Lemmyn mir, my re'th rydhhas hedhyw a'n kadonyow war dha dhiwleuv. Mars yw da genes dos genev dhe Babylon, deus, ha my a'th with yn ta; mes mar nyns yw da genes dos genev dhe Babylon, ny dal dhis dos. Mir, yma oll an tir a-ragos; plepynag a hevel dhis bos da hag ewn, ke di.

Amos 9:4

Ha kynth ons yn kethneth dherag aga eskerens, ena yth arghav dhe'n kledha, hag ev a's ladh; ha my a worr ow dewlagas warnedha rag drog, a-der rag da.