Jenesis 44:18 - An Bibel Kernewek 20234 (Kernewek Kemmyn)

¹⁸ Ena Yuda dheuth nes dhodho ha leverel, ‘My a'th pys, ow arloedh, gas dha was dhe gewsel ger yn diwskovarn ow arloedh. Na wrello dha sorr leski erbynn dha was, rag kepar ha Faro osta.

Jenesis 44:18 Iomraidhean Croise

Jenesis 18:30

Hag ev a leveris dhodho, ‘Na vedhes an Arloedh serrys, ha my a vynn kewsel. Martesen y fydh deg warn ugens kevys ena.’ Hag ev a leveris, ‘Ny'n gwrav mar kavav deg warn ugens.’

Jenesis 18:32

Hag ev a leveris, ‘Na vedhes an Arloedh serrys, ha my a vynn kewsel an torn ma yn unnsel. Martesen y fydh deg kevys ena.’ Hag yn-medh ev, ‘Ny wrav vy distrui rag deg.’

Jenesis 37:6

Yn-medh ev dhedha, ‘Goslowewgh, my a'gas pys, an hunros ma re hunrosis:

Jenesis 37:7

awotta, yth esen ni ow kelmi manalow y'n gwel, hag awotta, ow manal vy a sevis, ha pesya a'y sav ynwedh; hag awotta, agas manalow hwi a dheuth oll a-dro, hag omblegya dhe'm manal vy.’

Jenesis 37:8

Hag yn-medh y vreder dhodho, ‘A vydhydh ow reynya warnan yn hwir? Po a vydhydh orth agan rewlya?’ Ytho i a'n kasas hwath dhe voy drefenn y hunrosow ha'y eryow.

Jenesis 41:40

Ty a vydh apoyntys war ow chi, hag oll ow fobel a vydh gostydh dhe'th worhemmynn. Y'n tron yn unnsel, my a vydh brassa agesos jy.’

Jenesis 41:44

Hag yn-medh Faro dhe Yosep. ‘Faro ov vy, ha hebos jy ny wra denvyth drehevel y leuv na'y droes yn oll pow Ejyp.’

Jenesis 44:17

Hag yn-medh ev, ‘Pell bedhes dhiworthiv gul hemma. Neb may feu an hanaf kevys yn y dhorn, ev a vydh ow hethwas. Mes hwi, kewgh yn-bann yn kres dh'agas tas.’

2 Samuel 14:12

Ena an venyn a leveris, ‘Gas dha vaghteth, my a'th pys, dhe gewsel ger dhe'm arloedh an myghtern.’ Hag yn-medh ev, ‘Kows.’

Ester 1:12

Mes skonya a wrug an vyghternes Vashti a dhos orth gorhemmynn an myghtern der an spadhesigyon; hag yndella, pur serrys o an myghtern ha'y gonnar a loskas ynno.

Job 33:31

Gwra vri, a Job, goslow orthiv; taw ha my a gews.

Salmow 79:5

Pygemmys prys, A Arloedh? A vydhydh serrys bynitha? A lesk dha avi avel tan?

Eksodus 32:22

Hag Aron a leveris, ‘Na as sorr ow arloedh dhe leski fers; ty a aswonn an bobel hag yw parys rag tebelwrians.

Lavarow Koth 19:12

Konnar myghtern yw avel lew owth usa, mes y favour yw avel gluth war an gwels.

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’

Daniel 5:19

ha drefenn an meuredh na hag a veu res dhodho, oll an poblow, kenedhlow ha tavosow a grena ha kavoes own a-ragdho. Neb a vynna, ev a ladha; ha neb a vynna, ev a synsi yn few; neb a vynna, ev a ughelhi; ha neb a vynna, ev a iselhi.

Yowann 5:22

Rag ny vreus an Tas denvyth, mes ev re ros breus oll dhe'n Mab,

Oberow 2:29

‘Breder, gans fydhyans y hallav kewsel orthowgh a-dro dhe Davydh an ugheldas, ev dhe verwel ha bos ynkleudhys, hag yma y vedh genen ni bys y'n jydh hedhyw.