Jenesis 44:13 - An Bibel Kernewek 20234 (Kernewek Kemmyn)

¹³ Ena i a skwardyas aga dillas, ha peub a worras an begh war y asen, hag i a dreylyas arta troha'n sita.

Jenesis 44:13 Iomraidhean Croise

Jenesis 44:4

Wosa i dhe asa an sita, heb bos gyllys pell, yn-medh Yosep dhe rewler y ji, ‘Sav, gwra chasya war-lergh an wer. Wosa dos bys dhedha, lavar dhedha, “Prag y hwrussowgh attyli an da gans an drog?

2 Samuel 1:11

Ena Davydh a settyas dalghenn yn y dhillas, ha'ga skwardya; hag oll an wer esa ganso a wrug yn kettella.

2 Samuel 1:2

Y'n tressa dydh, gour a dheuth yn-mes a gamp Sowl gans y dhillas skwardys, ha gans dor war y benn. Pan dheuth dhe Davydh, ev a goedhas dhe'n leur hag omblegya.

2 Samuel 13:19

Tamar a worras lusu war hy fenn, ha skwardya an bows liesliw esa warnedhi, ha gorra hy leuv war hy fenn, ha mones dhe-ves ow kria.

2 Myghternedh 11:14

Hi a viras, hag otta an myghtern ow sevel ryb an goloven, herwydh usadow. An bennsevigyon ha'n hirgernysi esa ryb an myghtern, hag yth esa oll pobel an pow ow lowenhe, ha seni hirgern. Athalia a skwardyas hy dillas ha kria, ‘Trayturi! Trayturi!’

Niverow 14:6

Ha Yoshua mab Nun ha Kaleb mab Yefunne, esa yn mysk an re a aspias an tir, a skwardyas aga dillas,