Jenesis 43:11 - An Bibel Kernewek 20234 (Kernewek Kemmyn)

¹¹ Hag yn-medh Ysrael aga thas dhedha, ‘Mars yw yndella, hemma gwrewgh: Kemmerewgh neppyth a wella askorr an tir yn agas seghyer, ha kemmerewgh ro yn-nans rag an gour, tamm balsam ha tamm mel, spisys ha myrr, pistachys hag alamandow.

Jenesis 43:11 Iomraidhean Croise

Jenesis 33:10

Hag yn-medh Yakob, ‘Nansi, my a'th pys, mar kwrug vy kavoes gras y'th wolok, kemmer ow ro dhiworth ow leuv; rag my re welas dha fas, kepar ha pan ve gweles fas Duw, ha plesys osta genev vy.

Jenesis 37:25

Hag i a esedhas dhe dhybri bara, hag i a dhrehevis aga lagasow ha mires, hag awotta, karavan a Yshmaelysi ow tos dhiworth Gilead. Yth esa aga howrvergh ow toen spisys, balsam ha myrr, ow vyajya dh'aga doen yn-nans dhe Ejyp.

Jenesis 43:10

Rag mar ny wrellen delatya, ni a wrussa dehweles lemmyn diwweyth.’

Jenesis 43:14

Ha re rollo Duw Ollgalloesek mersi dhywgh dherag an gour, may tannvonno dhywgh agas broder arall, ha Benyamin. Ha my – mar pydh ow fleghes kellys, kellys vydhons.’

Jenesis 43:15

Ha'n wer a gemmeras an ro ma, ha diwweyth an myns a vona yn aga dorn, ha Benyamin. I a sevis ha mos yn-nans dhe Ejyp, ha sevel dherag Yosep.

Jenesis 43:25

Hag i a bareusis an ro rag devedhyans Yosep dhe hanter-dydh, rag i re wrussa klewes i dhe dhybri ena.

Jenesis 43:26

Yosep a dheuth a-berth y'n chi, hag i a dhros dhodho y'n chi an ro esa yn aga dorn, hag omblegya dhodho dhe'n leur.

1 Myghternedh 10:15

keffrys ha'n tollow a dheuth a'n genwerthoryon hag a negys an varghadoryon, ha trubyt oll myghternedh Arabia ha governours an tir.

1 Myghternedh 10:25

Pubonan a dhri ro, lestri arghans hag owr, dillas, ethennow hweg, spisyow, mergh ha mulyon, blydhen wosa blydhen.

1 Myghternedh 15:19

‘Bedhes kevambos yntra my ha ty, kepar dell veu ynter ow thas ha'th tas jy. Yth esov ow tannvon dhis ro a arghans hag owr; ke, torr dha gevambos gans Baasha myghtern Ysrael, mayth omdenno a-dhiworthiv.’

1 Myghternedh 4:21

Yth esa Solomon ow rewlya war oll an gwlaskordhow dhiworth an avon Ewfrates bys pow an Filistysi, ha bys yn or Ejyp; i a dhros trubyt ha servya Solomon dydhyow oll y vewnans.

2 Myghternedh 16:8

Hag Ahaz a gemmeras an arghans ha'n owr a veu kevys yn chi an Arloedh hag yn tresorvaow chi an myghtern, ha'ga dannvon avel ro dhe vyghtern Assyria.

2 Myghternedh 20:12

Y'n termyn na myghtern Merodak-baladan mab Baladan a Babylon a dhannvonas kannasow gans lytherow ha ro dhe Hezekia, drefenn ev dhe glewes y vos klav.

2 Myghternedh 8:8

hag ev a leveris dhe Hazael, ‘Kemmer ro y'th leuv ha ke rag metya orth gour Duw, ha pysi an Arloedh dredho, ow leverel, a wrav yaghhe dhiworth an kleves ma?’

Ester 4:16

‘Ke, kuntell oll an Yedhewon usi yn Shushan, ha gwrewgh penys ragov, ha na wrewgh hwi dybri nag eva tri dydh, nosweyth na dydhweyth: my ynwedh, ha'm maghtethyon, penys a wren ni yn kepar maner. Ena mos a-ji bys y'n myghtern a wrav kyn fo erbynn an lagha: ha mar pydhav distruys, distruys vydhav.’

Salmow 68:29

A-barth dha dempel yn Yerusalem myghternedh a dhre rohow dhiso jy.

Salmow 72:10

Re dhrollo myghternedh Tarshish ha'n ynysow trubyt; ha myghternedh Sheba ha Seba dri rohow.

Salmow 76:11

Gwrewgh ambos dhe'n Arloedh agas Duw, ha'y gollenwel; oll an re usi yn y gyrghynn, drens i rohow dhe neb a dal perthi own anodho.

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Lavarow Koth 17:18

Den heb skians a re goestel, hag ev a dheu ha bos gaja rag y gentrevek.

Lavarow Koth 18:16

Ro a wra spas rag an riyas, hag a'n dre a-rag brasyon.

Lavarow Koth 19:6

Lies a hwila favour den hel, ha pub huni yw koweth dhe wour a re rohow.

Lavarow Koth 21:14

Ro yn-dann gel a dreyl sorr dhe-ves, ha gober y'n askra a goselha konnar veur

An Gan a Ganow 4:10

Ass yw hweg dha gerensa, ow hwoer, ow fries! ass yw gwell dha gerensa ages gwin, ha sawer dha oylys ages oll spisys!

An Gan a Ganow 4:14

spiknard ha safron, kalamus ha sinnamon, gans pub gwydhenn frankynkys, myrr hag aloes, gans oll an gwella spisys.

An Gan a Ganow 8:14

Fisten dhe-ves, ow haradow, ha bydh kepar hag ewik po karow yowynk war an menydhyow a spisys.

Yeremia 8:22

A nyns eus balsam yn Gilead? a nyns eus medhek ena? Ytho prag nag eus yaghheans rag myrgh ow fobel?

Ezekiel 27:15

Mebyon Dedan o dha varchons; yth esa lies arvor ow kenwertha genes; i a dhri dhis dans-olifans hag eboni avel trubyt.

Ezekiel 27:17

Yuda ha pow Ysrael o dha marchons; gwaneth a Minnith, tesenn, mel, oyl, ha balsam y rons yn keschanj rag dha wara.

Ezekiel 27:22

Marchons a Sheba ha Raama o dha varchons; an gwella spisyow hag oll meyn drudh hag owr a rens yn keschanj rag dha wara.

Levitikus 20:24

Mes my re leveris dhywgh, Hwi a erit aga thir, ha my a'n rov dhywgh dhe berghenna, tir a dhinwa leth ha mel. An Arloedh agas Duw ov vy, re'gas dibarthas dhiworth an kenedhlow.

Oberow 21:14

Ha pan na yllsyn y lesta, ni a dewis wosa leverel, ‘Re bo gwrys bodh an Arloedh.’

Dewteronomi 33:14

gans gwella frut an howl, ha gans gwella askorr an misyow;

1 Samuel 25:27

Ha lemmyn bedhes an ro ma re dhros dha vaghteth dhe'm arloedh, res dhe'n wer yowynk neb a hol ow arloedh.

1 Samuel 9:7

Ena Sowl a leveris dh'y was, ‘Mes mar teun, pandr'a yllyn dri dhe'n gour? Rag an bara yn agan seghyer yw gyllys, ha nyns eus ro vyth dhe dhri dhe wour Duw. Pandr'eus dhyn?’