Jenesis 42:15 - An Bibel Kernewek 20234 (Kernewek Kemmyn)

¹⁵ Yndellma hwi a vydh prevys. Re vewnans Faro, ny vydhowgh ow mos yn-mes alemma marnas agas broder yowynka a dheu omma.

Jenesis 42:15 Iomraidhean Croise

Jenesis 42:12

Hag ev a leveris dhedha, ‘Nansi, devedhys owgh hwi dhe weles noethedh an tir.’

Jenesis 42:14

Hag yn-medh Yosep dhedha, ‘Yth yw dell leveris dhywgh: aspioryon owgh hwi.

Jenesis 42:16

Dannvenewgh onan ahanowgh dhe gyrghes agas broder, ha hwi a vydh kelmys, may fo prevys agas geryow, mars eus gwirder genowgh. Ha mar nyns eus, re vewnans Faro, aspioryon owgh hwi yn surredi.’

Jenesis 42:20

Mes agas broder yowynka, gwrewgh y dhri dhymmo vy, may fo agas geryow prevys gwir; ha ny wrewgh merwel.’ Hag i a wrug yndella.

Jenesis 42:30

‘An gour, arloedh an wlas, a gewsis genen yn harow, ha tybi agan bos aspioryon a'n tir.

Jenesis 42:34

Drewgh agas broder yowynka dhymmo vy, hag ena my a yll godhvos nag owgh hwi aspioryon, mes tus wiryon, ha my a re agas broder dhywgh, ha hwi a yll kenwertha y'n pow.” ’

Jenesis 42:7

Yosep a welas y vreder, ha'ga aswonn, mes y fara dhedha o kepar hag onan ankoth, hag ev a gewsis dhedha yn harow, ha leverel dhedha, ‘A-ble owgh hwi devedhys?’ Yn-medhons, ‘A bow Kanan, dhe brena boes.’

Jenesis 43:3

Mes yn-medh Yuda dhodho, ‘An gour a'gan gwarnyas gans ti ow leverel, “Ny wrewgh hwi gweles ow fas heb bos agas broder genowgh.”

Jenesis 43:5

mes mar ny vynnydh y dhannvon, ny vynnyn ni mos yn-nans; rag an gour a leveris dhyn, “Ny welowgh ow fas marnas yma agas broder genowgh.” ’

Yeremia 5:2

Kyn leverons, ‘Dell vew an Arloedh’, yn sur i a de yn fals.

Yeremia 5:7

Fatell wrav vy gava hemma dhis? Dha fleghes re'm eskasas, ha ti re dhuwow nag yw duwow mann: My a's magas dhe walgh, i a wrug avoutri, hag omguntell yn routhow dhe jiow horys.

Dewteronomi 6:13

Porth own a'n Arloedh dha Dhuw ha gwra y servya, ha ti re y hanow.

Jamys 5:12

Mes dres oll, ow breder, na liewgh na re'n nev, na re'n dor na gans li vydh arall, mes bedhes agas ‘Ya’ ya, ha'gas ‘Na’ na, ma na goetthowgh yn-dann vreus.

1 Samuel 1:26

Hag yn-medh hi, ‘Ow arloedh, kepar dell vewydh, ow arloedh, yth ov vy an venyn esa sevys rybos omma, ow pysi war an Arloedh.

1 Samuel 17:55

Ha pan welas Sowl bos Davydh ow mos yn-rag erbynn an Filistyas, ev a leveris dhe Abner, kaslewydh an lu, ‘Abner, piw yw an gour yowynk ma mab dhodho?’ Hag yn-medh Abner, ‘Dell vew dha enev, A vyghtern, ny wonn.’

1 Samuel 20:3

Mes ynwedh Davydh a dos, ‘Dha das a woer yn ta my dhe gavoes gras y'th wolok; hag ev a breder, “Na as Yonathan dhe wodhvos hemma, po ev a vydh grevys.” Mes yn gwiryonedh, dell vew an Arloedh ha dell vewydh dha honan, yma saw kamm yntredhov ha mernans.’