Jenesis 41:8 - An Bibel Kernewek 20234 (Kernewek Kemmyn)

⁸ Ha myttin, troblys veu y spyrys, hag ev a dhannvonas ha gelwel oll an goelyogyon a Ejyp hag oll hy thus fur, ha Faro a dherivas y hunros dhedha, mes nyns esa denvyth a wodhva aga styrya dhe Faro.

Jenesis 41:8 Iomraidhean Croise

Jenesis 40:6

Ha ternos vyttin Yosep a dheuth dhedha ha'ga gweles, hag awotta, trist ens i.

Jenesis 40:8

Yn-medhons dhodho. ‘Ni re hunrosas hunros, ha nyns eus denvyth dh'y styrya.’ Yn-medh Yosep dhedha, ‘A nyns eus styryansow dhe Dhuw? Derivewgh e dhymm, my a'gas pys.’

Jenesis 41:15

Yn-medh Faro dhe Yosep, ‘My re hunrosas hunros mes nyns eus denvyth a wodhvo y styrya. My re glewas y vos leverys a-dro dhis, pan glewydh hunros ty a yll y styrya.’

Jenesis 41:24

Ha'n seyth penn-ys tanow a lonkas an seyth penn-ys da. My re dherivas hemma dhe'n goelyogyon, mes nyns esa nagonan anedha a wodhvo y styrya dhymm.’

Jenesis 41:7

Ha'n pennow-ys tanow a lonkas an seyth tew ha leun. Faro a dhifunas hag otta, hunros ova.

Salmow 25:14

Yma kevrin an Arloedh gans an re a berth own anodho, hag ev a dhiskwa dhedha y gevambos.

Eksodus 7:11

Ena Faro a elwis an dus fur ha'n bystrioryon; hag i ynwedh, hudoryon Ejyp, a wrug an keth tra der aga artow kevrinek.

Eksodus 7:22

Mes hudoryon Ejyp a wrug an keth tra der aga husow; ytho kolonn Faro a besyas bos kaleshes, ha ny vynna ev goslowes orta; dell lavarsa an Arloedh.

Eksodus 8:7

Mes an hudoryon a wrug an keth tra der aga husow ha dri kwilkynyow war bow Ejyp.

Eksodus 9:11

Ha ny ylli an hudoryon sevel a-rag Moyses drefenn an bryghi, rag yth esa an bryghi war an hudoryon ha'n Ejyptianys oll.

Ysay 19:3

Spyrys Ejyp a fyll a-ji dhodho; my a dhiswra y gusul; i a hwila an idolys ha spyrysyon an re varow, an nygromonsoryon ha'n goelyogyon.

Ysay 29:14

rakhenna, awotta, my a wra marthusyon arta gans an bobel ma, marthus hag aneth. Furneth aga thus fur a vydh ow mos dhe goll, ha skians aga thus dhoeth a vydh kudhys.

Ysay 8:19

Mar leverons dhywgh, ‘Hwilewgh kusul a nygromonsoryon ha koelyogyon neb a hwyster ha hanasa; a ny goedh dhe bobel hwila aga Duw, hwila kusul an re varow a-barth an re vew

Daniel 1:20

Yn pub mater a furneth po a gonvedhes hag a veu govynnys dhiworta gans an myghtern, ev a's kavas deg gweyth gwell ages oll an hudoryon ha'n worhenysi esa yn y ruvaneth oll.

Daniel 4:18

‘An hunros ma a welis vy, myghtern Nebukadnessar. Ty, A Belteshassar, deriv hy styr, rag na ylli oll an dus fur y'm ruvaneth diskwedhes dhymm hy styr; mes ty a yll, rag bos ynnos spyrys an duwow sans.’

Daniel 4:19

Ena Daniel, henwys Belteshassar, a veu skruthys pols, ha'y brederow a'n ownhas. An myghtern a worthybis ow leverel, ‘A Belteshassar, na vydh ownhes gans an hunros ha'y styr.’ Belteshassar a worthybis ow leverel, ‘Ow arloedh, re bo an hunros rag an re a'th kas, ha'y styr rag dha eskerens!

Daniel 4:5

Hunros a welis hag a wrug own dhymm; prederow war ow gweli ha gwelesigethow ow fenn a'm euthega.

Daniel 4:6

Rag hemma my a wrug ordenans may fe dres a-ragov oll an dus fur a Babylon, rag may tiskwetthens dhymm styr an hunros.

Daniel 4:7

Ena y teuth an hudoryon, an worhenysi, an Kaldeanys, ha'n goelyogyon; ha my a dherivas dhedha an hunros, mes ny yllens diskwedhes dhymm y styr.

Daniel 5:11

yma y'th ruvaneth gour hag ynno spyrys an duwow sans. Yn dydhyow dha das y feu kevys ynno golow, skians ha furneth, avel furneth an duwow. Myghtern Nebukadnessar, dha das, a'n gwrug penn an hudoryon, an worhenysi, an Kaldeanys, ha'n goelyogyon;

Daniel 7:28

Ottomma diwedh an mater. My, Daniel, o troblys yn fen gans ow frederow, ha'm liw a janjyas, mes my a withas an dra y'm brys.

Daniel 8:27

Ha my, Daniel, a glamderas, hag o klav dre nebes dydhyow; ena my a sevis ha gul negys an myghtern. Mes skruth a'm kemmeras drefenn an welesigeth, o dres konvedhes.

Levitikus 19:31

Na dreylyewgh dhe nygromons, ha na hwilewgh koelyogyon, dhe vos defolys gansa. An Arloedh ov vy.

Levitikus 20:6

Ha'n den a dreyl dhe nygromons ha dhe goelyogyon, ow mos dhe horya gansa, my a vynn settya ow fas erbynn an den na ha'y dreghi dhe-ves dhiworth y bobel.

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Matthew 2:1

Ha pan veu Yesu genys yn Bethlehem Yudi yn dydhyow myghtern Herod, awotta, tus fur a dheuth dhiworth an howldrevel dhe Yerusalem,

Oberow 17:18

Mes re a'n filosoforyon Epikurek ha Stoik a geskewsi ganso, ha re a leveris, ‘Pandr'a vynn an klappyer diskians ma dhe leverel?’ Hag yn-medh re erell, ‘Dell hevel, pregowther a dhywolow astranj yw ev’; rag ev dhe bregoth Yesu ha'n dasserghyans.

Oberow 7:22

Ha Moyses a veu dyskys yn oll skentoleth an Ejyptianys, ha nerthek o yn y eryow ha'y oberow.

1 Korinthianys 1:19

Rag skrifys yw, ‘My a wra distrui skentoleth an dus skentel, ha skians an dus fur my a wra y lettya.’

1 Samuel 6:2

an Filistysi a elwis an oferysi ha'n goelyogyon ha leverel, ‘Pandr'a wren gans argh an Arloedh? Leverewgh dhyn pandr'a dannvenyn gensi dh'y le.’