Jenesis 41:57 - An Bibel Kernewek 20234 (Kernewek Kemmyn)

⁵⁷ Hag oll an bys a dheuth dhe Ejyp dhe brena dhiworth Yosep, rag bos an divoetter tynn yn oll an bys.

Jenesis 41:57 Iomraidhean Croise

Jenesis 12:10

Mes yth esa divoetter y'n pow; ytho Abram eth yn-nans dhe Ejyp dhe driga ena, rag bos an divoetter poes y'n pow.

Jenesis 41:54

ha'n seyth blydhen a dhivoetter a dhallathas dos, dell lavarsa Yosep. Yth esa divoetter yn oll an powyow, mes yth esa bara yn pow Ejyp oll.

Jenesis 41:56

Hag yth esa an divoetter dres enep an pow oll. Ha Yosep a igoras pub tyller mayth esa ys, ha'y wertha dhe dus Ejyp, rag tynn o an divoetter yn pow Ejyp.

Jenesis 42:1

Lemmyn Yakob a welas bos ys yn Ejyp, hag ev a leveris dh'y vebyon, ‘Prag yth esowgh ow mires an eyl orth y gila?’

Jenesis 42:5

Ytho mebyon Ysrael a dheuth dhe brena ys yn mysk an re erell esa ow tos; rag yth esa divoetter yn pow Kanan.

Jenesis 42:6

Lemmyn Yosep o governour war an pow. Ev o neb esa ow kwertha ys dhe oll pobel an pow; ha breder Yosep a dheuth hag omblegya dheragdho, aga fasow dhe'n leur.

Jenesis 43:1

Tynn o an divoetter y'n pow.

Jenesis 47:14

Ha Yosep a guntellas oll an mona esa yn pow Ejyp hag yn pow Kanan rag an ys esens orth y brena, ha Yosep a dhros an mona a-berth yn chi Faro.

Jenesis 50:20

Ha hwi, hwi a dewlis droktra er ow fynn; Duw a'n tewlis dhe vos dader, may teffa an dra dell yw y'n jydh hedhyw: dhe witha tus pals yn few.

Dewteronomi 9:28

ma na lavarro tus an tir ma'gan dresys dhe-ves dhiworto, “Drefenn na allas an Arloedh aga dri dhe'n tir a ambosas dhedha, ha drefenn ev dh'aga hasa, ev re's dros yn-mes dh'aga ladha y'n gwylvos.”