Jenesis 41:42 - An Bibel Kernewek 20234 (Kernewek Kemmyn)

⁴² Ha Faro a gemmeras y vysow-sel dhiworth y leuv ha'y worra war leuv Yosep ha'y wiska gans dillas a sendal ha gorra chayn owrek a-dro dh'y gonna;

Jenesis 41:42 Iomraidhean Croise

Jenesis 38:18

Hag yn-medh ev, ‘Py par gaja a rov dhis?’ hag yn-medh hi, ‘Dha sel ha'th kordenn ha'th lorgh usi yn dha dhorn.’ Ytho ev a's ros dhedhi hag ev eth a-bervedh dhedhi ha hi a gonsevyas anodho.

Jenesis 41:43

Hag ev a wrug dhodho mos y'n nessa charett esa dhodho, hag i a armas a-dheragdho, ‘Plegyewgh an glin’; hag ev a'n gorras war oll pow Ejyp.

Ester 10:3

Rag y feu Mordekay an Yedhow nessa wosa myghtern Ahasuerus, ha bras yn mysk an Yedhewon, ha meurgerys gans y vreder pals; ow hwilas les y bobel, hag ow kewsel kres dhe oll y has.

Ester 3:10

Ytho an myghtern a gemmeras y vysow-sel dhiworth y leuv, ha'y ri dhe Haman mab Hammedatha an Agagyas, eskar an Yedhewon.

Ester 3:12

Ena skrifwesyon an myghtern a veu gelwys y'n kynsa mis, y'n trydhegves dydh, ha skrifys veu poran dell arghsa Haman, dhe wahalyethow an myghtern ha dhe wovernours pub rannvro, ha dhe bennsevigyon pub pobel; dhe bub rannvro herwydh y skrif, ha dhe bub pobel herwydh hy thaves; y feu skrifys yn hanow an myghtern Ahasuerus, ha selys veu gans bysow an myghtern.

Ester 8:10

Ha skrifa a wrug ev yn hanow an myghtern Ahasuerus, ha'y selya gans bysow an myghtern, ha dannvon lytherow a wrug dre leuv kannasow war geyn margh, marghogyon owth ehwias war vergh skav, dineythys gans an kasegi ryel.

Ester 8:15

Ena Mordekay eth yn-mes dhiworth golok an myghtern, yn gwisk ryel, glas ha gwynn y liw, ha dhodho kurun vras a owr ha goen a lien fin ha purpur: ha'n sita Shushan a arma hag a lowenhi.

Ester 8:2

Ena an myghtern a dennas yn-mes y vysow-sel a gemmersa dhiworth Haman ha'y ri dhe Mordekay. Hag Ester a ros dhe Mordekay an charj war ji Haman.

Ester 8:8

Ha hwi, skrifewgh ynwedh a-dro dhe'n Yedhewon, dell bleg dhywgh, yn hanow an myghtern, ha'y selya gans bysow an myghtern: rag skrif skrifys yn hanow an myghtern, ha selys gans bysow an myghtern, ny yll bos daskelwys.’

Salmow 73:6

Rakhenna yma goeth a-dro dh'aga honna avel torgh; garowder a's kudh avel kweth.

Lavarow Koth 1:9

rag garlont teg yns i rag dha benn ha torgh rag dha gonna.

Lavarow Koth 31:22

Hi a wra rygdhi hy honan kolghesow, hy dillas yw sendal ha purpur.

Lavarow Koth 31:24

Hi a wra dillasennow a lin hag a's gwerth; hi a brovi grogysyow dhe'n varchons.

An Gan a Ganow 1:10

Teg yw dha dhiwvogh gans kadonyow a degennow, dha gonna gans tergh a gregyn.

An Gan a Ganow 4:9

Ty re ladras ow holonn, ow hwoer, ow fries, ty re ladras ow holonn der unn mir uskis a'th tewlagas, der unn degenn a'th torgh.

Ysay 3:23

an niwlwias, an iswiskasow, an tulyfantys, ha'n kudhlennow penn.

Yeremia 52:33

Ytho Yekoyakin a worras a-denewen y dhillas prison, ha pub dydh a'y vewnans ev a dhybri bara a-ragdho.

Ezekiel 27:7

Sendal brosys dhiworth Ejyp o dha woel, avel baner ragos; ha'th kudhansow o glas ha purpur dhiworth arvoryow Elisha.

Daniel 5:16

Mes my re glewas ahanas, ty dhe wodhvos ri styryow ha digelmi kudynnow. Ytho mar kyllydh redya an skrif ha diskwedhes dhymm y styr, y fydhydh gwiskys yn purpur, gans kadon owr a-dro dhe'th konna, hag y fydhydh an tressa rewler y'n ruvaneth.’

Daniel 5:29

Ena Belshassar a worhemmynnis, hag i a wiskas Daniel gans purpur, gans kadon owr a-dro dh'y gonna, hag i a wrug gwarnyans yn y gever, may fedha an tressa rewler y'n ruvaneth.

Daniel 5:7

An myghtern a armas yn ughel rag dri an worhenysi, an Kaldeanys, ha'n goelyogyon. Ev a leveris dhe'n dus fur a Babylon, ‘Seul a rettyo an skrif ma, hag a dhiskwettho dhymm y styr, a vydh gwiskys yn purpur, gans kadon owr a-dro dh'y gonna, hag a vydh an tressa rewler y'n ruvaneth.’

Luk 15:22

Mes y das a erghis dh'y gethwesyon, “Drewgh uskis an gwella pows ha'y gorra warnodho, ha rewgh bysow war y leuv hag eskisyow war y dreys.

1 Samuel 18:4

Ha Yonathan a removas an goen esa warnodho, ha'y ri dhe Davydh, ha'y arvow, ha'y gledha hag ynwedh y warak ha'y wrogys.