Jenesis 41:25 - An Bibel Kernewek 20234 (Kernewek Kemmyn)

²⁵ Hag yn-medh Yosep dhe Faro, ‘Onan yw hunros Faro. Duw re dhiskwedhas dhe Faro an pyth usi ow kul.

Jenesis 41:25 Iomraidhean Croise

Jenesis 40:8

Yn-medhons dhodho. ‘Ni re hunrosas hunros, ha nyns eus denvyth dh'y styrya.’ Yn-medh Yosep dhedha, ‘A nyns eus styryansow dhe Dhuw? Derivewgh e dhymm, my a'gas pys.’

Jenesis 41:16

Yosep a worthybis Faro, ow leverel, ‘Duw, a-der my, a re dhe Faro gorthyp a gres.’

Jenesis 41:26

An seyth bugh dha yw seyth blydhen; ha'n seyth penn-ys da yw seyth blydhen. Onan yw an hunros.

Jenesis 41:28

Hemm yw an pyth re leveris vy dhe Faro: an pyth a vynn Duw y wul, ev re'n diskwedhas dhe Faro.

Jenesis 41:32

Ha rag bos an hunros diskwedhys diwweyth dhe Faro, sur yw, an dra dhe vos fondys gans Duw hag yma Duw ow fistena dh'y wul.

Salmow 98:2

An Arloedh re dherivas y selwyans; ev re dhiskwedhas y ewnder yn golok an kenedhlow.

Eksodus 9:14

Rag an dreveth ma my a wra dannvon oll ow flagys war dha golonn, ha war dha servysi ha war dha bobel, may hwodhvi nag eus nagonan avelov vy yn oll an nor.

Ysay 43:9

Oll an kenedhlow re dheuth war-barth ha'n poblow res omguntellas. Piw yn aga mysk a dherivas hemma, ha darleverel an taklow kyns? Degens aga dustunioryon rag aga justifia, ha klewens ha leverens, ‘Gwir yw.’

Daniel 2:45

Kepar dell welsys y feu treghys men a'n menydh, heb mayn leuv, hag y torras dhe demmyn an horn, an brons, an priweyth, an arghans ha'n owr: yndellma an Duw meur re dhiskwedhas dhe'n myghtern an pyth a hwyrvydh wosa hemma. Fastys yw an hunros, ha sur yw y styr.’

Daniel 2:47

Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Amos 3:7

Yredi ny wra an Arloedh Duw travyth heb diskudha y dowl kudh dh'y servysi an brofoesi.

Matthew 24:40

Ena y fydh dewdhen y'n gwel, an eyl a vydh kemmerys ha'y gila gesys;

Mark 13:23

Mes bedhewgh war; my re dharganas dhywgh pup-tra.

Efesianys 1:17

may rollo an Duw a'gan Arloedh Yesu Krist, an Tas a wolewder, spyrys furneth ha diskwedhyans y'n aswonnvos anodho,

Yoshua 11:6

An Arloedh a leveris dhe Yoshua, ‘Na borth own a'ga govis: rag a-vorow dhe'n prys ma my a's delirv, pubonan ledhys, a-rag Ysrael: ty a evredh aga mergh, ha leski aga charettow gans tan.’

Diskwedhyans 4:1

Wosa hemma my a viras, hag otta daras igerys y'n nev, ha'n kynsa lev a glewis kepar ha hirgorn ow kewsel genev, ow leverel, ‘Deus yn-bann omma, ha my a vynn diskwedhes dhis an taklow a res hwarvos wosa hemma.’