Jenesis 4:8 - An Bibel Kernewek 20234 (Kernewek Kemmyn)

⁸ Yn-medh Kayn dhe Abel y vroder, ‘Deun ni yn-mes dhe'n gwel.’ Ha pan esens y'n gwel, Kayn a sevis erbynn Abel y vroder ha'y ladha.

Jenesis 4:8 Iomraidhean Croise

Jenesis 4:25

Hag Adam a aswonnis y wreg arta ha hi a dhineythis mab, hag hi a elwis y hanow Seth, rag yn-medh hi, ‘Duw re wrontyas dhymm has arall yn le Abel, rag Kayn a'n ladhas.’

2 Samuel 14:6

Yth esa dhe'th vaghteth dew vab, hag i a omladhas an eyl erbynn y gila y'n gwel, ha nyns esa denvyth dh'aga diberth, ha'n eyl a weskis y gila ha'y ladha.

2 Samuel 3:27

Pan dhehwelis Abner dhe Hebron, Yoab a'n kemmeras a-denewen yn kres an yet dhe gewsel ganso yn kosel, hag ev a'n gweskis ena yn y dorr. Ytho ev a verwis rag goes Asahel y vroder.

2 Kroniklys 21:4

Wosa Yehoram dhe yskynna dhe dron y das ha bos fastys ynno, ev a ladhas oll y vreder gans an kledha, hag ynwedh re a bennsevigyon Ysrael.

Nehemia 6:2

Sanballat ha Geshem a dhannvonas dhymm, ow leverel, ‘Deus hag omvetyn ni orth tyller yn plen Ono.’ Mes i a vynnas gul dregynn dhymm.

Job 11:15

ena ty a dhrehav dha fas heb namm; ty a fydh fyrv, ha ny vydh own dhis.

Salmow 139:19

Unnweyth mar kwrelles ladha an tebelwas, A Dhuw! Omdennewgh dhiworthiv ytho, hwi dus woesek.

Salmow 36:3

Geryow y anow yw gwag ha toell; ev re astelas bos fur ha gul da.

Salmow 55:21

Aga ganow o levenna es amanynn, mes yth esa bresel yn aga holonn; aga lavarow o medhella ages olew, mes yth ens i kledhedhyow noeth.

Hosea 4:2

Mollethi, toella, ladha, ladra, hag avoutri – fenna a wrons; ha krow a hol krow.

Mika 7:6

rag an mab a dhyght y das gans bismer, an vyrgh a omsav erbynn hy mamm, an wohydh erbynn hy hweger; eskerens gour yw tus y ji y honan.

Niverow 35:20

Ha mara'n gwanas gans kas, po tewlel orto, ow kontrewaytya, may ferwis,

Matthew 23:35

may teffo warnowgh an goes gwiryon oll a veu skoellys war an bys, a-dhiworth goes Abel gwiryon bys yn goes Zakaria mab Baraghia, neb a ledhsowgh ynter an tempel ha'n alter.

Luk 11:51

a-dhia woes Abel bys goes Zakaria neb a veu ledhys ynter an alter ha'n sentri; yn hwir y lavarav dhywgh, govynnys vydh a-dhiworth an henedh ma.

Luk 22:48

Hag yn-medh Yesu dhodho, ‘Yudas, yw gans amm y traytydh Mab an den?’

Ebrowyon 11:4

Dre fydh yth offrynnas Abel dhe Dhuw sakrifis gwell ages sakrifis Kayn, dredho may kavas dustuni y vos ewnhynsek, Duw ow tustunia dh'y rohow; ha dredho, kyn fo marow, ev a gews hwath.

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.