Jenesis 4:7 - An Bibel Kernewek 20234 (Kernewek Kemmyn)

⁷ Mar kwre'ta yn ta, a ny vydh drehevys? Ha mar ny wredh yn ta, yma pegh ow skolkya orth an daras; ev yw hwansek dhe'th kavoes, mes ty – ty a wra y fetha.’

Jenesis 4:7 Iomraidhean Croise

Jenesis 19:21

Hag yn-medh ev dhodho, ‘Otta, my a wront dhis dha vynnas y'n mater ma ynwedh. Ny wrav vy domhwel an sita ma re wruss'ta kewsel anedhi.

Jenesis 3:16

Dhe'n venyn ev a leveris, ‘My a gress dha bayn yn feur ha ty gans flogh; yn payn y fydhydh ow tineythi fleghes, mes dha dhesir a vydh troha dha wour, hag ev a wra dha rewlya.’

2 Samuel 24:23

Oll an taklow ma, A vyghtern, Arawna a re dhe'n myghtern.’ Ynwedh yn-medh Arawna dhe'n myghtern, ‘Re'th tegemmerro an Arloedh dha Dhuw.’

2 Myghternedh 8:28

Ev eth gans Yoram mab Ahab dhe werrya erbynn Hazael myghtern Aram yn Ramoth-gilead; ha'n Aramysi a wolias Yoram.

Job 11:14

mar korrydh pell dhe-ves an anewnder usi y'th leuv, ha na esydh kammhynseth dhe driga y'th tyldow,

Job 11:15

ena ty a dhrehav dha fas heb namm; ty a fydh fyrv, ha ny vydh own dhis.

Job 29:4

pan en vy yn dydhyow ow yowynkneth, pan esa Duw ow kwitha war ow thylda;

Job 42:8

Rakhenna kemmerewgh lemmyn dhywgh seyth tarow ha seyth hordh ha mos dhe'm gwas Job hag offrynna ragowgh offrynn leskys, ha'm gwas Job a bys ragowgh ha my a dhegemmer y bysadow, ha ny'gas dyghtyav herwydh agas follenep; rag ny gewssowgh ahanav an pyth yw ewn, kepar dell wrug ow gwas Job.’

Lavarow Koth 18:5

Nyns yw da diskwedhes faverans dhe debelwas, na herdhya den gwiryon dhe-ves dhiworth gwirvreus.

Lavarow Koth 21:27

Sakrifis an debeles yw tra gasadow; kemmys moy pan y'n dro gans tebel borpos.

Yeremia 3:12

Ke ha deklar an geryow ma dhe'n gogledh, ha leverel, Dehwel ty Ysrael dhislel, yn-medh an Arloedh; ny wrav ow sorr dhe goedha warnas: rag tregeredhus ov, yn-medh an Arloedh, ha ny withav sorr bys vykken.

Yeremia 6:20

Pandr'a amont dhymm frankynkys a-dhiworth Sheba, ha'n kalamus drudh a bow pell? Nyns yw agas offrynnow leskys kemmeradow, na nyns yw agas sakrifisow hweg plegadow dhymm.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Malaki 1:10

Piw yn agas mysk a wra degea darasow an tempel, ma na enowowgh ow alter yn euver? Nyns ov vy pes da ahanowgh hwi, yn-medh Arloedh an luyow. Ny dhegemmerav offrynn a'gas diwleuv.

Malaki 1:13

Ha hwi a lever, ‘Awotta, ass yw skwithus!’ ha hwi a wra y dhispresya, yn-medh Arloedh an luyow. Pan dhrowgh hwi best ledrys, hag evredh, ha klav, ha'ga dri avel offrynn, a vynnav aga resseva a'gas diwleuv? yn-medh an Arloedh.

Malaki 1:8

Pan dhrowgh bestes dall dhe sakrifia, a nyns yw henna drog? Pan offrynnowgh evredh ha klav, a nyns yw henna drog? Roy ev dhe'th wovernour! A vydh ev pes da ahanas? A wra dha resseva? yn-medh Arloedh an luyow.

Niverow 32:23

Mes mar ny wrewgh yndellma, otta, hwi re beghas erbynn an Arloedh; ha bedhewgh sur, agas pegh a wra agas diskevra.

Oberow 10:35

mes yn pub kenedhel neb a'n jeves own anodho ha gul ewnder yw plegadow dhodho.

Romanyon 12:1

My a'gas pys, a vreder, dre druedhow Duw, may proffyowgh agas korf avel sakrifis bew, sans, plegadow dhe Dhuw, hag yth yw agas gwir wonis spyrysel;

Romanyon 14:18

neb a serv Krist yndella yw plegadow gans Duw ha kevys da gans tus.

Romanyon 15:16

rag may fiv vy menyster Yesu Krist dhe'n kenedhlow, avel oferyas dhe aweyl Yesu Krist rag may fo offrynn an kenedhlow kemmeradow, sanshes gans an Spyrys.

Romanyon 6:12

Ytho na reynyes pegh yn agas korf marwel bys may fydhowgh gostydh dh'y dhrokhwansow.

Romanyon 6:16

A ny wodhowgh hwi mar omrowgh dhe nebonan avel kethyon wostydh, hwi dhe vos kethyon poran dhe'n den na mayth owgh gostydh dhodho – po dhe begh, hag a hembronk dhe'n mernans, po dhe wostytter hag a hembronk dhe ewnheans?

Efesianys 1:6

dhe wormel splannder y ras a wrontyas dhyn y'n Karadow;

1 Timothi 5:4

Mes mars eus fleghes po fleghes-wynn dhe neb gwedhwes, dyskens i kyns oll gul aga dever kryjyk dh'aga theylu i hag attyli dh'aga thas ha'ga mamm, rag plegadow a-dherag Duw yw hemma.

Ebrowyon 11:4

Dre fydh yth offrynnas Abel dhe Dhuw sakrifis gwell ages sakrifis Kayn, dredho may kavas dustuni y vos ewnhynsek, Duw ow tustunia dh'y rohow; ha dredho, kyn fo marow, ev a gews hwath.

Jamys 1:15

Ena tebel-ewl, wosa omdhoen, a dhineyth peghadow, ha peghadow kowlwrys a dhineyth ankow.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.