Jenesis 4:4 - An Bibel Kernewek 20234 (Kernewek Kemmyn)

⁴ Hag Abel ynwedh a dros rann a'n re gynsa-genys a'y flokk, hag a'ga blonek. Ha'n Arloedh a viras orth Abel ha'y offrynn.

Jenesis 4:4 Iomraidhean Croise

Jenesis 15:17

Hag y hwarva, pan sedhis an howl hag yth o tewl, awotta, forn ow megi ha faglenn ow leski a dremenas ynter an rannow na.

Jenesis 4:3

Ha wosa dydhyow pals y hwarva Kayn dhe dhri offrynn dhe'n Arloedh a frut an dor.

1 Myghternedh 18:24

Ena gelwewgh war hanow agas duw ha my a elow war hanow an Arloedh; an duw neb a worthyp dre dan, ev yw Duw.’ Oll an bobel a worthybis, ‘Kewsys yn ta yw!’

1 Myghternedh 18:38

Ena tan an Arloedh a dhiyskynnas ha kowlleski an offrynn leskys, an prenn, an meyn, ha'n doust, ha hwath a lapyas an dowr esa y'n ganel.

1 Kroniklys 21:26

Davydh a dhrehevis alter ena dhe'n Arloedh ha sakrifia offrynnow leskys hag offrynnow kres. Ev a elwis war an Arloedh, hag ev a'n gorthybis dre dan a nev war alter an offrynn leskys.

2 Kroniklys 7:1

Pan worfennas Solomon y bysadow, tan a dhiyskynnas a nev hag a loskas an offrynn leskys ha'n sakrifisow; ha glori an Arloedh a lenwis an tempel.

Salmow 20:3

Re bortho kov a'th offrynnow oll, ha degemmeres dha offrynnow leskys! Sela.

Eksodus 13:12

ty a wra profya dhe'n Arloedh peub a iger an brys. Pub kynsa-genys a'th warthek yw gorow a vydh dhe'n Arloedh.

Lavarow Koth 3:9

Enor an Arloedh gans oll dha substans, ha gans kynsa froeth a'th trevas;

Ekklesiastes 4:4

Ha my a welas oll an trobel hag oll an sleyghneth yn lavur ow tos dhiworth avi den erbynn y gentrevek. Hemma ynwedh yw euveredh ha chasya war-lergh an gwyns.

Levitikus 9:24

Ha tan a dheuth yn-mes dhiworth an Arloedh ha kowlleski an offrynn leskys ha'n blonek war an alter. Pan y'n gwelas oll an bobel, i a armas yn lowen ha koedha war aga fasow.

Niverow 16:15

Ha Moyses o pur serrys, ha leverel dhe'n Arloedh, ‘Na wra vri a'ga offrynn. Ny gemmeris nag unn asen a-dhiworta, na ny bystigis nagonan anedha.’

Niverow 16:35

Ha tan a dheuth yn-mes dhiworth an Arloedh, hag a gowlloskas an dhew kans ha hanter kans gour ow profya an ynkys.

Niverow 18:12

Oll an gwella a'n oyl, hag oll an gwella a'n gwin hag a'n greun, kynsa frut a'n pyth a rons dhe'n Arloedh, my a re dhis.

Niverow 18:17

Mes kynsa-genys ojyon, po kynsa-genys davas, po kynsa-genys gaver, ny dhasprenydh; sans yns. Ty a skoell aga goes war an alter, ha leski aga blonek avel offrynn dre dan, sawer plegadow dhe'n Arloedh;

Ebrowyon 11:4

Dre fydh yth offrynnas Abel dhe Dhuw sakrifis gwell ages sakrifis Kayn, dredho may kavas dustuni y vos ewnhynsek, Duw ow tustunia dh'y rohow; ha dredho, kyn fo marow, ev a gews hwath.

Ebrowyon 9:22

Yn hwir, herwydh an lagha ogas pub tra yw glanhes gans goes, ha heb skoellya goes ny vydh dehwelyans peghosow.

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.

Breusysi 6:21

Ena el an Arloedh a ystynnas bleyn an lorgh esa yn y dhorn hag a dochyas an kig ha'n tesennow heb burm ha tan eth yn-bann a'n garrek hag a loskas an kig ha'n tesennow heb burm; hag el an Arloedh eth yn-mes a'y wolok.

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.