Jenesis 4:17 - An Bibel Kernewek 20234 (Kernewek Kemmyn)

¹⁷ Ha Kayn a aswonnis y wreg ha hi a gonsevyas ha dineythi Enok, hag ev a dhrehevis sita ha henwel an sita war-lergh hanow y vab Enok.

Jenesis 4:17 Iomraidhean Croise

Jenesis 11:4

Hag yn-medhons i, ‘Dewgh, gwren ni drehevel sita ha tour, ha'y benn y'n nevow; ha gwren gul hanow ragon, rag own ni dhe vos skattrys a-les war enep oll an nor.’

Jenesis 4:16

Ha Kayn eth yn-mes dhiworth golok an Arloedh ha triga yn pow Nod, est dhe Eden.

Jenesis 4:18

Dhe Enok y feu genys Irad hag Irad a dhineythis Mehuyael ha Mehuyael a dhineythis Methusael ha Methusael a dhineythis Lamek.

Jenesis 5:18

Yared a vewas eth-ugens blydhen ha dew ha dineythi Enok.

Jenesis 5:22

Hag Enok a gerdhas gans Duw trihans blydhen wosa ev dhe dhineythi Methusela, hag ev a dhineythis mebyon ha myrghes.

2 Samuel 18:18

Lemmyn Absalom a gemmersa ha drehevel peulven ragdho y honan, hag ev hwath yn few, usi yn Nans an Myghtern, rag yn-medh ev, ‘Ny'm beus mab vyth dhe witha ow hanow yn kovadh’; ev a henwis an peulven war-lergh y hanow y honan, ha gelwys yw bys y'n jydh hedhyw, men-kov Absalom.

Salmow 49:11

Aga bedh yw aga chi bynitha, ha'ga annedhow a unn henedh dhe'n nessa; i a elow aga thiryow herwydh aga henwyn aga honan.

Salmow 49:12

Mes ny bes den yn enor; haval yw dhe'n bestes a verow.

Daniel 4:30

An myghtern a gewsis ow leverel, ‘A nyns yw homma Babylon veur, hag a dhrehevis vy avel chi ryel dre nerth ow galloes, ha rag enor ow meuredh?’