Jenesis 4:10 - An Bibel Kernewek 20234 (Kernewek Kemmyn)

¹⁰ Hag ev a leveris, ‘Pandr'a wruss'ta? Yma lev goes dha vroder ow karma warnav dhiworth an dor.

Jenesis 4:10 Iomraidhean Croise

Jenesis 18:20

An Arloedh a leveris ynwedh, ‘Rag bos an arm erbynn Sodom ha Gomorra bras, ha rag bos aga fegh pur boes,

Jenesis 3:13

Hag yn-medh an Arloedh Duw dhe'n venyn. ‘Pyth yw henna re wruss'ta?’ Hag yn-medh an venyn, ‘An sarf a'm toellas, ha my a dhybris.’

Jenesis 9:5

Hag yn sur, rag goes agas bewnans hwi my a vynn kavoes reknans; my a vynn y gavoes orth pub best; hag orth mab-den, orth den ha'y broder, my a vynn kavoes reknans a vewnans den.

2 Myghternedh 9:26

“Yn sur, my a welas goes Naboth, ha goes y vebyon de, a lever an Arloedh; ha my a attal dhis war an splatt ma.” Ytho lemmyn kemmer e yn-mes ha tewl e y'n splatt a dir, herwydh ger an Arloedh.’

2 Kroniklys 28:9

Mes yth esa profoes a'n Arloedh ena, Oded y hanow; ev eth yn-mes dhe vetya an lu a dheuth dhe Samaria, hag ev a leveris dhedha, ‘Drefenn an Arloedh Duw agas tasow dhe serri orth Yuda, ev re's ros yn agas leuv, mes hwi re's ladhas yn konnar re hedhas bys y'n nev.

Job 16:18

‘A dhor, na gorher ow goes; ha na geves ow kri powesva.

Job 24:12

Dhiworth an sita tus usi ow merwel a gyn, hag enev an dus woliys a gri rag gweres; mes ny wra Duw vri a'ga pysadow.

Salmow 50:21

An taklow ma re wrussys, ha tewel a wrugavy; ty a brederis my dhe vos avelos jy. Mes my a'th keredh, ha dri kuhudhans er dha bynn.

Salmow 72:14

Ev a bren aga enev dhiworth arwask ha garowder, ha drudh vydh aga goes yn y wolok ev.

Salmow 9:12

Rag neb a wovynn goes yn dial a berth kov anedha; ny ankev garm an voghosogyon.

Salmow 9:13

Bydh grassyes orthiv, A Arloedh; mir orth ow anken, a wodhavav dhiworth an re a'm kas, ty neb a'm drehav dhiworth porthow ankow,

Eksodus 3:7

Ena an Arloedh a leveris, ‘My re welas galar ow fobel usi yn Ejyp ha klewes aga kri drefenn aga mestrysi kethneth; aswonn a wrav aga galarow;

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Niverow 35:33

Ny dal dhywgh defola an tir mayth esowgh trigys; rag goes a dhefol an tir, ha ny yll prenedh vyth bos gwrys rag an tir, drefenn an goes yw skoellys ynno, marnas der an goes a neb a'n skoellyas.

Oberow 5:3

Mes yn-medh Peder, ‘Ananias, prag y lenwis Satnas dha golonn, rag leverel gow dhe'n Spyrys Sans ha kemmeres dhis dha honan rann a bris an tir?

Oberow 5:9

Yn-medh Peder dhedhi, ‘Prag y fewgh unnver dhe demptya Spyrys an Arloedh? Otta, treys an re neb re ynkleudhyas dha wour ymons orth an daras, hag i a wra dha dhoen jy yn-mes.’

Dewteronomi 21:1

Mar kevir den ledhys y'n tir a wra an Arloedh dha Dhuw y ri dhis dh'y erita, a'y wrowedh y'n gwel, ha nyns yw godhvedhys piw a'n gweskis,

Ebrowyon 11:4

Dre fydh yth offrynnas Abel dhe Dhuw sakrifis gwell ages sakrifis Kayn, dredho may kavas dustuni y vos ewnhynsek, Duw ow tustunia dh'y rohow; ha dredho, kyn fo marow, ev a gews hwath.

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

Yoshua 7:19

Ena Yoshua a leveris dhe Akan, ‘Ow mab, ro enor dhe'n Arloedh, Duw Ysrael, ha ro grasyans dhodho. Deriv dhymm pandr'a wrussys; na gudh e ahanav.’

1 Samuel 13:11

Samuel a leveris, ‘Pandr'a wruss'ta?’ Ha Sowl a worthybis, ‘My a welas bos an bobel skattrys a-les ahanav, ha na dheuthys a-ji dhe'n dydhyow apoyntys, ha'n Filistysi dhe omguntell war-barth yn Mikmash,