Jenesis 39:5 - An Bibel Kernewek 20234 (Kernewek Kemmyn)

⁵ A-dhia'n termyn may hwrug ev y apoyntya war y ji ha war bup-tra esa dhodho, an Arloedh a vennigas chi an Ejyptyan drefenn Yosep; hag yth esa bennath an Arloedh war bup-tra esa dhodho y'n chi hag y'n gwel.

Jenesis 39:5 Iomraidhean Croise

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

Jenesis 19:29

Ha pan dhistruis Duw sitys an plen, Duw a borthas kov a Abraham ha dannvon Lot yn-mes a gres an domhwelyans pan dhomhwelas an sitys mayth esa Lot trigys a-bervedh ynna.

Jenesis 30:27

Yn-medh Laban dhodho, ‘Mar kwrug vy kavoes gras y'th wolok, my re dhyskas dre dhewinieth an Arloedh dhe'm benniga a'th wovis.’

Salmow 21:6

Rag ty a ros dhodho bennathow bys vykken; ty a'n gwra heudhik gans lowena a-wel dhe'th fas.

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Oberow 27:24

ow leverel, “Na borth own, Powl, res yw dhis sevel a-rag Sesar, hag otta, Duw re ros dhis oll an re ma usi ow koelya genes.”

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,