Jenesis 37:8 - An Bibel Kernewek 20234 (Kernewek Kemmyn)

⁸ Hag yn-medh y vreder dhodho, ‘A vydhydh ow reynya warnan yn hwir? Po a vydhydh orth agan rewlya?’ Ytho i a'n kasas hwath dhe voy drefenn y hunrosow ha'y eryow.

Jenesis 37:8 Iomraidhean Croise

Jenesis 27:41

Lemmyn Esaw a'n jevo eskarogeth erbynn Yakob drefenn an vennath may hwrussa y das y venniga gensi, hag Esaw a leveris yn y golonn, ‘Yma'n dydhyow a gynvann a-barth ow thas ow tos nes. Ena my a vynn ladha ow broder Yakob.’

Jenesis 37:4

Ha'y vreder a welas y hwre aga thas y gara moy es y vreder oll, hag i a'n kasas, ha ny yllens kewsel yn kuv ganso.

Jenesis 37:9

Hag ev a hunrosas hunros arall ha'y dherivas dh'y vreder, ha leverel, ‘Otta, my re hunrosas hunros arta, hag otta, an howl ha'n loer hag unnek ster a omblegyas dhymm.’

Jenesis 42:10

Mes i a leveris dhodho, ‘Nansi, ow arloedh; devedhys yw dha wesyon dhe brena boes.

Jenesis 44:18

Ena Yuda dheuth nes dhodho ha leverel, ‘My a'th pys, ow arloedh, gas dha was dhe gewsel ger yn diwskovarn ow arloedh. Na wrello dha sorr leski erbynn dha was, rag kepar ha Faro osta.

Jenesis 49:26

Bennathow dha das yw kreffa es bennathow an menydhyow heb diwedh, es bennathow an breow heb diwedh; re bons war benn Yosep, ha war grogen an pryns yn mysk y vreder.

Jenesis 50:18

Ha'y vreder ynwedh a dheuth ha koedha a-dheragdho, ha leverel, ‘Ottani, dha wesyon.’

Salmow 118:22

An men a skonyas an weythoryon re dheuth ha bos pennmen an korn.

Eksodus 2:14

Hag yn-medh ev, ‘Piw a'th wrug penntern ha breusyas warnan? A wredh ow ladha par dell ledhsys an Ejyptyan?’ Hag own a'n jevo Moyses ow leverel, ‘Yn sur, an dra yw aswonnys.’

Luk 19:14

Mes y sojets a wre y gasa hag i a dhannvonas kannasow war y lergh ow leverel, “Ny vynnyn an den ma dhe vos myghtern warnan.”

Luk 20:17

Mes ev a viras orta ha leverel, ‘Pandra ytho a styr an skryptor ma “An men hag a veu skonys gans an weythoryon, henn yw gwrys pennmen an korn”?

Oberow 7:35

‘An Moyses ma, neb a naghsons, ow leverel, “Piw a'th ordenas bos rewler ha breusyas?” Duw a'n dannvonas dhe vos ha rewler ha selwyas dre leuv an el neb a omdhiskwedhas dhodho y'n bos.

Dewteronomi 33:16

gans gwella rohow an tir ha'y leunder, ha'n favour a neb eus trigys y'n bos. Re dheffo dhe benn Yosep, war grogen an pryns yn mysk y vreder.

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

1 Samuel 10:27

Mes mebyon Belial a leveris, ‘Fatell yll an den ma agan sawya?’ Hag i a'n dispresyas, ha ni dhrosons dhodho ro. Mes tewel a wrug.

1 Samuel 17:28

Eliab y gottha broder a'n klewas pan gewsis ev dhe'n wer; ha sorr Eliab a dhewis erbynn Davydh, hag ev a leveris, ‘Prag y teuthys yn-nans omma? Piw ganso y hwruss'ta gasa an deves boghes na y'n gwylvos? My a woer dha valghder ha sherewynsi dha golonn; rag ty re dheuva yn-nans rag may halles gweles an vatel.’

1 Samuel 18:8

Sowl o pur serrys, rag an lavar ma a'n displesyas. Ev a leveris, ‘I re askrifas dhe Davydh degow a vilyow, ha dhymmo vy i re askrifas milyow; pandr'a yll ev kavoes moy saw an vyghterneth?’