Jenesis 37:4 - An Bibel Kernewek 20234 (Kernewek Kemmyn)

⁴ Ha'y vreder a welas y hwre aga thas y gara moy es y vreder oll, hag i a'n kasas, ha ny yllens kewsel yn kuv ganso.

Jenesis 37:4 Iomraidhean Croise

Jenesis 27:41

Lemmyn Esaw a'n jevo eskarogeth erbynn Yakob drefenn an vennath may hwrussa y das y venniga gensi, hag Esaw a leveris yn y golonn, ‘Yma'n dydhyow a gynvann a-barth ow thas ow tos nes. Ena my a vynn ladha ow broder Yakob.’

Jenesis 37:11

Ha'y vreder a borthas avi orto; mes y das a withas an dra yn y vrys.

Jenesis 37:5

Lemmyn Yosep a hunrosas hunros ha'y dherivas dh'y vreder; hag i a'n kasas hwath moy.

Jenesis 4:5

Mes orth Kayn ha'y offrynn ny viras, ha Kayn a veu pur serrys, ha'y fas a goedhas.

Jenesis 49:23

An sethoryon a'n provokyas yn feur. Eskarogeth a's teva er y bynn;

Salmow 38:19

Mes bew ha nerthek yw ow eskerens, ha meur yw niver an re a'm kas yn fals.

Salmow 69:4

Moy es blewennow ow fenn yw an re a'm kas heb ken; lies yw an re a vynn ow distrui, ow fals eskerens. An pyth na wrug vy y ladra, a wrav vy y daskorr?

Yeremia 12:6

Rag hwath dha vreder, ha chi dha das, i ynwedh, re'th traytas; i ynwedh re dhrehevis kri ughel war dha lergh: na goel dhedha kyn kewsons geryow teg dhis.

Mark 3:25

Ha mar pydh chi rynnys er y bynn y honan, an chi na ny yll sevel.

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

1 Yowann 2:11

Mes neb a gas y vroder yma ev yn tewlder, hag a gerdh yn tewlder, ha ny wonn ev ple'th a, rag tewlder dhe dhalla y dhewlagas.

1 Yowann 3:10

Yn homma yth yw diskwedhys fleghes Duw, ha fleghes an jowl: neb na wra ewnder, nyns usi ev a Dhuw, na'n den na gar y vroder.

1 Yowann 3:12

Nyns yw avel Kayn, esa a'n tebel el, hag a voldras y vroder. Ha prag y'n moldras? Drefenn bos y oberow y honan drog, ha bos re y vroder da.

1 Yowann 4:20

Mar lever nebonan, ‘My a gar Duw’, ha kasa y vroder, gowleveryas yw: rag neb na gar y vroder a welas ev, ny woer ev kara Duw na welas ev.

1 Samuel 17:28

Eliab y gottha broder a'n klewas pan gewsis ev dhe'n wer; ha sorr Eliab a dhewis erbynn Davydh, hag ev a leveris, ‘Prag y teuthys yn-nans omma? Piw ganso y hwruss'ta gasa an deves boghes na y'n gwylvos? My a woer dha valghder ha sherewynsi dha golonn; rag ty re dheuva yn-nans rag may halles gweles an vatel.’