Jenesis 34:7 - An Bibel Kernewek 20234 (Kernewek Kemmyn)

⁷ Pan glewsons, mebyon Yakob a dheuth dhiworth an gwel, ha troblys o an wer, ha pur serrys; rag ev re wrussa outray yn Ysrael ow krowedha gans myrgh Yakob, rag ny dhegoedh gul yndella.

Jenesis 34:7 Iomraidhean Croise

Jenesis 20:9

Ena Abimelek a elwis Abraham ha leverel dhodho, ‘Pandr'a wruss'ta gul dhyn ni, ha fatell beghis vy er dha bynn, may hwruss'ta dri pegh meur warnav vy ha war ow gwlaskor? Ty re wrug dhymmo vy taklow na dalvia bos gwrys.’

Jenesis 34:6

Ha Hamor, tas Shekem, eth yn-mes dhe Yakob dhe gewsel orth Yakob a'n mater.

Jenesis 34:8

Ha Hamor a gewsis gansa, ow leverel, ‘Enev Shekem ow mab re lenas orth dha vyrgh. Ro hi dhodho avel gwreg, my a'th pys,

Jenesis 46:7

y vebyon, ha mebyon y vebyon ganso, y vyrghes, ha myrghes y vebyon. Hag oll y has ev a dhros ganso bys yn Ejyp.

2 Samuel 13:21

Mes pan glewas myghtern Davydh oll an taklow ma, y sorr a dhewis yn toemm, mes ny vynnas kessydhya y vab Amnon, drefenn ev dh'y gara, rag ev o y gynsa genys.

Salmow 93:5

Dha dhustuniow, A Arloedh, yw fest sur; sansoleth a dhelledh dhe'th chi, A Arloedh, bynitha.

Lavarow Koth 7:7

ha my a welas ynter an re sempel, hag aspia ynter an wer yowynk gour yowynk diboell,

Yeremia 29:23

drefenn i dhe wul bileni yn Ysrael ha gul avoutri gans gwragedh aga hentrevogyon, ha kewsel y'm hanow vy geryow gowek na worhemmynnis dhedha; my yw ev neb a woer hag a dheg dustuni, yn-medh an Arloedh.

Levitikus 4:13

Ha mar pegh kuntelles kowal Ysrael heb y wodhvos, ha kelys yw an dra dhiworth lagasow an gemmynieth, ha mar kwrussons neppyth erbynn neb onan a worhemmynnow an Arloedh, taklow na dal bos gwrys, ha mars yns i kablus;

Levitikus 4:2

Kows orth mebyon Ysrael ow leverel: Mar pegh neb den heb y wodhvos erbynn onan a worhemmynnow an Arloedh, ow kul neppyth na dal bos gwrys,

Levitikus 4:27

Ha mar pegh nebonan a bobel an pow heb y wodhvos, ow kul neppyth erbynn gorhemmynnow an Arloedh, taklow na dal bos gwrys, ha kablus yw,

1 Korinthianys 10:8

Ny goedh dhyn omri dhe fornikasyon, par dell wrug rann anedha, hag yn unn jydh y ferwis tri mil warn ugens.

1 Korinthianys 6:18

Gohelewgh fornikasyon. Py pegh arall pynag a wrello den, yn-mes a'n korf yma; mes neb yw dijast a begh erbynn y gorf y honan.

Efesianys 5:3

Mes fornikasyon ha pub plosedhes po krefni, na vedhens henwys yn agas mysk, kepar dell dhelledh dhe syns.

Dewteronomi 22:20

Mes mars yw an dra gwir, ha ny veu kevys toknys gwyrghsys an vyrgh,

Dewteronomi 22:21

ena i a dhre an vyrgh yn-mes dhe dharas chi hy thas, ha gwer hy thre a's labydh gans meyn may farwo, drefenn hi dhe wul outray yn Ysrael, ow pos hora yn chi hy thas. Yndella ty a garth an drog a-dhiworthowgh.

Dewteronomi 23:17

Na vedhes hora-tempel a vyrghes Ysrael, na hora-tempel gorow a vebyon Ysrael.

Kolossianys 3:5

Ytho, gorrewgh dhe'n mernans an pyth ynnowgh usi a'n nor, fornikasyon, plosedhes, hwans dres eghenn, drog yeunes, ha krefni, yw gordhyans idolys,

1 Timothi 5:13

Dhe'n keth prys ynwedh y tyskons bos diek, ow kerdhes a jy dhe jy. Nyns yns i diek yn unnsel mes ynwedh hwedhloresow ha mellyoresow, ow leverel taklow nag yw gwiw aga leverel.

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

Jamys 3:10

Yn-mes a'n keth ganow y teu ha bennath ha molleth. Nyns yw gwiw, ow breder, an taklow ma dhe hwarvos yndella.

Yoshua 7:15

An den yw kemmerys gans an tra sakrys a vydh leskys gans tan, ev hag oll a'n jeves, drefenn ev dhe dreuspassya erbynn kevambos an Arloedh ha drefenn ev dhe wul outray yn Ysrael.” ’

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

Breusysi 20:6

Ena my a gemmeras ow iswreg hag a's troghas yntra rannow, hag a's dannvonas der oll pow eretons Ysrael, rag i re wrussa tra dhivlas yn Ysrael.