Jenesis 33:4 - An Bibel Kernewek 20234 (Kernewek Kemmyn)

⁴ Mes Esaw a boenyas er y bynn ha'y vyrla ha koedha war y gonna hag amma dhodho; hag i a oelas.

Jenesis 33:4 Iomraidhean Croise

Jenesis 29:11

Ena Yakob a ammas dhe Raghel ha drehevel y lev hag oela.

Jenesis 29:13

Laban, pan glewas derivas Yakob, mab y hwoer, a boenyas er y bynn ha'y vyrla hag amma dhodho ha'y dhri a-bervedh yn y ji. Hag ev a dherivas dhe Laban oll an taklow ma.

Jenesis 32:11

Delirv vy, my a'th pys, yn-mes a leuv ow broder, a leuv Esaw, rag my a berth own anodho, ev dhe dhos ha'm gweskel, an mammow gans an vebyon.

Jenesis 32:28

Hag yn-medh ev, ‘Ny vydh dha hanow gelwys Yakob namoy mes Ysrael, rag ty re strivyas gans Duw ha gans mab-den ha fetha.’

Jenesis 43:30

Ha Yosep a fistenas, rag movyes veu y golodhyon drefenn y vroder, hag ev a vynnas oela; hag ev eth a-ji dhe'n chambour hag oela ena.

Jenesis 43:34

Hag ev a gemmeras rannow a voes esa a-ragdho ha'ga ri dhedha i; mes rann Benyamin a veu pympgweyth moy es rannow oll an re erell. Ytho i a evas, ha bos medhow ganso.

Jenesis 45:2

Hag ev a oelas, ughel y lev, ha'n Ejyptianys a glewas, ha chi Faro a glewas ynwedh.

Jenesis 46:29

Yosep a hernessyas y jarett ha mos yn-bann dhe vetya Ysrael y das yn Goshen. Pan y'n gwelas, ev a goedhas war y gonna hag oela war y gonna termyn hir.

2 Samuel 14:33

Ytho Yoab a dheuth dhe'n myghtern ha derivas orto; hag ev a elwis Absalom. Hag ev a dheuth dhe'n myghtern hag omblegya war y fas dhe'n dor a-rag an myghtern; ha'n myghtern a ammas dhe Absalom.

Nehemia 1:11

A Arloedh, my a'th pys, bedhes dha skovarn hewoel dhe bysadow dha was, ha dhe bysadow dha wesyon neb yw hwansek dhe berthi own a'th hanow. Ro sewena, my a'th pys, dhe'th was an jydh ma, ha gront dhodho truedh yn golok an gour ma!’ Yth en vy hanafor an myghtern.

Job 2:12

Ha pan y'n gwelsons a-dhiworth pell, ny'n aswonnis hag i a ughelhas aga lev hag oela, hag i a skwardyas aga fows ha skattra doust war aga fenn troha nev.

Salmow 34:4

My a hwilas an Arloedh, hag ev a worthybis dhymm, ha'm delivra dhiworth pup-tra a borthav own anodho.

Lavarow Koth 16:7

Pan vo fordhow gour plegadow gans an Arloedh, ev a wra may fo ynwedh y eskerens yn kres ganso.

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Luk 15:20

Ytho ev a sevis yn-bann ha mos dh'y das. Hag ev hwath y'n pellder, y das a'n gwelas, ha piteth a'n jeva, hag ev a boenyas hag a goedhas war y gonna hag amma dhodho.

Oberow 20:37

Hag yth esa meur a oelva gans oll, hag ow koedha war gonna Powl i a ammas dhodho,

1 Samuel 20:41

Ha kettell veu an maw gyllys, Davydh a sevis yn-bann dhiworth tenewen an krug a veyn, ha koedha war y fas dhe'n leur. Ev a blegyas dhe'n dor teyrgweyth, hag i a ammas an eyl dh'y gila, hag i a oelas an eyl gans y gila; mes Davydh a oelas moy.