Jenesis 33:10 - An Bibel Kernewek 20234 (Kernewek Kemmyn)

¹⁰ Hag yn-medh Yakob, ‘Nansi, my a'th pys, mar kwrug vy kavoes gras y'th wolok, kemmer ow ro dhiworth ow leuv; rag my re welas dha fas, kepar ha pan ve gweles fas Duw, ha plesys osta genev vy.

Jenesis 33:10 Iomraidhean Croise

Jenesis 19:19

Awotta lemmyn, dha servont re gavas gras y'th wolok ha ty re gressyas dha dregeredh re wruss'ta genev ow sawya ow bewnans; ha ny allav fia dhe'n menydh, rag own a'n droktra dhe'm kemmeres ha my dhe verwel.

Jenesis 32:30

Ha Yakob a elwis hanow an tyller Peniel, ‘Rag my re welas Duw fas orth fas, ha gwithys saw yw ow enev.’

Jenesis 33:11

Kemmer, my a'th pys, ow bennath yw dres dhiso, rag Duw re beu grassyes dhymm, hag yma dhymm pup-tra.’ Ev a ynnias warnodho, hag ev a'n kemmeras.

Jenesis 33:9

Mes yn-medh Esaw, ‘Genev vy yma pals, ow broder. Bedhes dhiso an pyth usi genes.’

Jenesis 43:3

Mes yn-medh Yuda dhodho, ‘An gour a'gan gwarnyas gans ti ow leverel, “Ny wrewgh hwi gweles ow fas heb bos agas broder genowgh.”

Jenesis 47:29

Pan veu dydhyow Ysrael ow tos nes dh'y vernans, ev a elwis y vab Yosep ha leverel dhodho, ‘Mar kevis gras y'th wolok, gorr dha leuv yn-dann ow mordhos, my a'th pys, ha diskwedh dhymm tregeredh ha lelder. Na wra ow ynkleudhyas yn Ejyp.

Jenesis 50:4

Pan veu tremenys dydhyow y oelva, Yosep a gewsis orth mayni Faro, ow leverel, ‘Mar kwrug vy kavoes gras yn agas golok, kewsewgh, my a'gas pys, yn diwskovarn Faro, ow leverel,

2 Samuel 14:24

Mes yn-medh an myghtern, ‘Gwres ev treylya dh'y ji y honan; ny wel ow fas.’ Ytho, Absalom eth dh'y ji y honan, ha ny wrug ev gweles fas an myghtern.

2 Samuel 14:28

Ytho yth esa Absalom trigys diw vlydhen yn Yerusalem, ha ny welis fas an myghtern.

2 Samuel 14:32

Absalom a worthybis dhe Yoab, ‘Otta, my a dhannvonas dhis ha leverel. “Deus omma, may hallav dha dhannvon dhe'n myghtern, dhe leverel, ‘Prag y teuth vy dhiworth Geshur? Gwella via ragov bos ena hwath.’ Lemmyn gas vy dhe weles fas an myghtern; ha mars eus kabel ynnov, gwres ev ow ladha!” ’

2 Samuel 3:13

Ev a leveris, ‘Da yw; my a wra kevambos genes. Mes unn dra a wovynnav orthis: ny welydh ow fas, marnas ty dhe dhri Mikal myrgh Sowl, pan dheudh dhe weles ow fas.’

Job 33:26

‘Ena ev a bys war Dhuw ha kavoes favour ganso, ev a wel fas Duw gans lowena, ha Duw a attal dhodho y ewnder.

Salmow 41:11

Gans hemma y hwonn vy, ty vos pes da ahanav, drefenn na arm ow eskar yn trygh warnav.

Yeremia 31:2

Yndellma y lever an Arloedh: An bobel a veu gesys a'n kledha a gavas favour y'n gwylvos; hwath Ysrael pan hwilas powes,

Matthew 18:10

‘Gwaytyewgh na wryllowgh dispresya onan a'n re vyghan ma; rag yn-medhav dhywgh bos aga eledh y'n nevow pup-prys ow mires war fas ow Thas eus y'n nevow.

Diskwedhyans 22:4

hag i a wel y fas: ha'y hanow a vydh war aga thal.

Ruth 2:10

Ha hi a goedhas war hy fas hag omblegya dhe'n dor, ha leverel dhodho, ‘Prag y kevis vy gras y'th tewlagas, ty dhe'm aswonn, ha my estren?’

1 Samuel 20:3

Mes ynwedh Davydh a dos, ‘Dha das a woer yn ta my dhe gavoes gras y'th wolok; hag ev a breder, “Na as Yonathan dhe wodhvos hemma, po ev a vydh grevys.” Mes yn gwiryonedh, dell vew an Arloedh ha dell vewydh dha honan, yma saw kamm yntredhov ha mernans.’