Jenesis 32:9 - An Bibel Kernewek 20234 (Kernewek Kemmyn)

⁹ Hag yn-medh Yakob, ‘A Dhuw ow thas Abraham, ha Duw ow thas Ysak, an Arloedh, neb a leveris dhymm, “Dehwel dhe'th wlas ha dhe'th kerens ha my a vynn dha dhyghtya yn ta”:

Jenesis 32:9 Iomraidhean Croise

Jenesis 17:7

Ha my a fast ow hevambos yntra my ha ty, ha'th has war dha lergh yn aga henedhow avel kevambos bys vykken, dhe vos Duw dhiso, ha'th has war dha lergh.

Jenesis 28:13

Hag awotta, yth esa an Arloedh ow sevel a-ughti, hag yn-medh ev, ‘My yw an Arloedh, Duw Abraham dha das ha Duw Ysak. My a re an tir esos ow krowedha warnodho dhiso jy ha dhe'th has.

Jenesis 28:15

Hag awotta, yth esov vy genes, ha my a'th with plepynag mayth ylli. My a'th tre arta dhe'n dor ma, rag ny wrav dha asa erna wrylliv an pyth re gewsis dhis anodho.’

Jenesis 31:13

Duw Bethel ov vy, le may hwruss'ta untya peulven, le mayth ambossys ambos dhymm. Sav yn-bann lemmyn. Ke yn-mes a'n pow ma ha dehweles dhe bow dha enesigeth.” ’

Jenesis 31:29

Yma yn galloes ow leuv gul drog dhywgh; mes nyhewer an Duw a'gas tas a gewsis genev ow leverel, “Bydh war na wrylli leverel travyth dhe Yakob, na da na drog.”

Jenesis 31:3

Ena yn-medh an Arloedh dhe Yakob, ‘Dehwel dhe wlas dha dasow ha dhe'th kerens, ha my a vydh genes.’

Jenesis 31:42

Na ve genev vy Duw ow thas, Duw Abraham, hag Own Ysak, sur yw y hwruss'ta lemmyn ow dannvon gwag yn-kerdh. Duw a welas ow galarow ha lavur ow dorn, hag ev a'th rebukyas nyhewer.’

Jenesis 31:53

Re bo Duw Abraham ha Duw Nahor, Duw aga thas, breus yntredhon’; ha Yakob a dos re Own y das Ysak.

Jenesis 32:8

ha leverel, ‘Mar teu Esaw dhe'n unn bagas ha'y weskel, ena an bagas yw gesys a yll fia.’

Jenesis 49:25

dre Dhuw dha das neb a'th weres, ha'n Ollgalloesek neb a'th vennik, gans bennathow an nevow a-vann, bennathow an downder a wrowedh war-nans, bennathow diwvronn ha torr.

2 Kroniklys 20:12

A agan Duw ni, a ny wredh breus warnedha? Rag ni yw dialloes erbynn an routh vras ma, re dheuth er agan pynn. Ny wodhon pyth dhe wul, mes yma agan dewlagas warnas.’

2 Kroniklys 20:6

hag a leveris, ‘A Arloedh, Duw agan tasow, a nyns osta Duw y'n nev? A ny rewlydh war oll gwlaskordhow an kenedhlow? Yma y'th leuv galloes ha nerth, bys ma na yll nebonan sevel orthis.

2 Kroniklys 32:20

Ena myghtern Hezekia ha'n profoes Ysay mab Amos, a bysis a-dro dhe hemma, hag i a grias dhe nev.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Eksodus 3:6

Hag y leveris, ‘My yw Duw dha das, Duw Abraham, Duw Ysak ha Duw Yakob.’ Ha Moyses a gudhas y fas, rag own a'n jeva a vires orth Duw.

Yeremia 32:16

Wosa my dhe dhelivra chartour an prenas dhe Baruk mab Neria, my a bysis war an Arloedh, ow leverel:

1 Samuel 30:6

Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.