Jenesis 32:29 - An Bibel Kernewek 20234 (Kernewek Kemmyn)

²⁹ Ha Yakob a wovynnas orto, ow leverel, ‘Lavar dhymm dha hanow, my a'th pys.’ Hag yn-medh ev, ‘Prag y fynnydh govynn ow hanow orthiv?’ hag ev a'n bennigas ena.

Jenesis 32:29 Iomraidhean Croise

Jenesis 17:5

Ny vydh dha hanow Abram namoy, mes dha hanow a vydh Abraham, rag my a'th wra an tas a genedhlow pals.

Jenesis 35:10

Hag yn-medh Duw dhodho, ‘Yakob yw dha hanow, mes ny vydh dha hanow gelwys Yakob na fella, mes Ysrael a vydh dha hanow’; ytho ev a elwis y hanow Ysrael.

Jenesis 35:9

Duw a omdhiskwedhas arta dhe Yakob hag ev ow tos dhiworth Padan-aram, ha'y venniga.

1 Myghternedh 18:31

Elias a gemmeras dewdhek men, herwydh niver loethow mebyon Yakob, may teuth dhedha ger an Arloedh, ow leverel, ‘Ysrael a vydh dha hanow’.

2 Myghternedh 17:34

Bys y'n jydh hedhyw i a bes gans aga gisyow koth. Ny berthons own a'n Arloedh ha ny withons an ordenansow, na'n breusow, na'n laghys, na'n gorhemmynnow a worhemmynnis an Arloedh dhe vebyon Yakob, neb a ros dhodho an hanow Ysrael.

1 Kroniklys 1:34

Abraham a dhineythis Ysak. Mebyon Ysak: Esaw hag Ysrael.

Job 11:7

‘A yllydh hwithra an taklow down a Dhuw? A yllydh diskudha finweth an Ollgalloesek?

Lavarow Koth 30:4

Piw a yskynnas dhe nev hag a dhiyskynnas? Piw a guntellas an gwyns yn palv y dhorn? Piw a vaylyas an dowrow yn dillasenn? Piw a fondyas oll pennow an norvys? Pyth yw y hanow, ha pyth yw hanow y vab? Yn sur, ty a woer!

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Niverow 20:14

Moyses a dhannvonas kannasow a Kadesh dhe vyghtern Edom, ‘Yndellma y lever dha vroder Ysrael: Ty a woer oll an anken yw hwarvedhys dhyn:

Luk 1:19

Ha'n el a worthybis dhodho, ‘Gabriel ov vy, neb a sev a-rag Duw, ha dannvenys veuv dhe gewsel orthis, ha dhe dhri dhis an nowodhow da a hemma.

Dewteronomi 29:29

An Arloedh agan Duw a bew an taklow kudhys, mes dhyn ni yma an taklow diskudhys, ha dh'agan mebyon bys vykken, rag may hwryllyn oll geryow an lagha ma.