Jenesis 32:10 - An Bibel Kernewek 20234 (Kernewek Kemmyn)

¹⁰ nyns ov wordhi a'n tregeredhow oll ha'n lelder oll re wruss'ta gans dha was; rag gans ow lorgh my a dremenas dres an Yordan ma, ha lemmyn yth ov devedhys ha bos dew gamp.

Jenesis 32:10 Iomraidhean Croise

Jenesis 18:27

Hag Abraham a worthybis, ‘Awotta lemmyn, my re vedhas kewsel orth an Arloedh, ha my doust ha lusu.

Jenesis 24:12

Hag ev e leveris, ‘A Arloedh, Duw ow arloedh Abraham, gront dhymm sewena hedhyw my a'th pys ha diskwa tregeredh dhe'm arloedh Abraham.

Jenesis 24:27

ha leverel, ‘Benniges re bo an Arloedh, Duw ow arloedh Abraham, na wrug forsakya y dregeredh ha'y wiryonedh troha'm arloedh. An Arloedh re'm hembronkas yn ewn dhe ji breder ow arloedh.’

Jenesis 28:13

Hag awotta, yth esa an Arloedh ow sevel a-ughti, hag yn-medh ev, ‘My yw an Arloedh, Duw Abraham dha das ha Duw Ysak. My a re an tir esos ow krowedha warnodho dhiso jy ha dhe'th has.

Jenesis 28:15

Hag awotta, yth esov vy genes, ha my a'th with plepynag mayth ylli. My a'th tre arta dhe'n dor ma, rag ny wrav dha asa erna wrylliv an pyth re gewsis dhis anodho.’

Jenesis 30:43

Ha rychys an gour a gressyas dres eghenn, hag yth esa dhodho flokkys bras, ha maghtethyon ha kethyon, ha kowrvergh hag asenes.

Jenesis 31:3

Ena yn-medh an Arloedh dhe Yakob, ‘Dehwel dhe wlas dha dasow ha dhe'th kerens, ha my a vydh genes.’

Jenesis 32:5

Yma dhymm oghen hag asenes, flokkys, kethyon ha maghtethyon; ha my re dhannvonas dhe dherivas hemma dhe'm arloedh, may kyffiv gras y'th wolok.” ’

Jenesis 32:7

Ena Yakob a borthas own bras ha troblys veu; hag ev a rannas an dus esa ganso ha'n flokkys ha'n chatel ha'n kowrvergh yn dew vagas

2 Samuel 17:24

Ena Davydh a dheuth dhe Mahanaym. Hag Absalom a dremenas dres an Yordan, ev hag oll gwer Ysrael ganso.

2 Samuel 7:18

Ena myghtern Davydh eth a-ji hag esedha dherag an Arloedh ha leverel, ‘Piw ov vy, A Arloedh Duw, ha pandr'yw ow chi, ma'm dresys omma?

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Job 8:7

Kyn feu dha dhalleth byghan, dha dhiwedh a vydh moghhes yn feur.

Salmow 16:2

My re leveris dhe'n Arloedh ‘Ty yw ow Arloedh, nyns eus genev travyth da a-der ty.’

Salmow 18:35

Ha ty re ros dhymm skoes dha selwyans, dha leuv dhyghow a'm menten, ha'th weres re'm meurhas.

Salmow 61:7

Ev a drig a-dherag Duw bynitha; re'n gwittho tregeredh ha gwirder.

Salmow 8:5

Ty re'n gwrug nebes isella ages an eledh, ha'y guruna gans golewder hag enor.

Salmow 84:7

Yth ons a nerth dhe nerth; pubonan a vydh gwelys a-rag Duw yn Sion.

Salmow 85:10

Tregeredh ha gwirder re omguntellas; ewnder ha kres re ammas an eyl dh'y gila.

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Ysay 63:7

Meneges tregeredhow an Arloedh a wrav, ha gormoledhow an Arloedh, war-lergh pup-tra a wrug an Arloedh ragon, ha lies tra dha rag chi Ysrael a wrug ev ragdha war-lergh y druedhow ha war-lergh palster y dregeredh.

Mika 7:20

Ty a dhiskwa lenduri dhe Yakob ha tregeredh dhe Abraham, dell desys dh'agan tasow a-dhia'n dydhyow koth.

Luk 17:10

Yndella hwi ynwedh, pan wrussowgh pup-tra a veu erghys dhywgh, leverewgh, “Kethwesyon anwiw on ni, ny wrussyn namoy es agan dever.” ’

Luk 5:8

Simon Peder pan y'n gwelas a goedhas orth dewlin Yesu ow leverel, ‘Diberth dhiworthiv, rag gour peghus ov, A Arloedh.’

2 Korinthianys 12:11

Deuvev ha bos foll; hwi re'm konstrynas. Y telledh ow bos kommendys genowgh hwi, rag ny fyll dhymm travyth a'n abesteli worughel, kyn na viv evy travyth.

Dewteronomi 8:18

Mes porth kov a'n Arloedh dha Dhuw, rag yth yw ev neb a re dhis nerth dhe wul golusogneth, rag may fastyo y gevambos a dos dhe'th tasow, kepar hag y'n jydh hedhyw.

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’