Jenesis 30:2 - An Bibel Kernewek 20234 (Kernewek Kemmyn)

² Sorr Yakob a dhewis erbynn Raghel hag yn-medh ev, ‘Esov vy yn le Duw a naghas dhis frut an dorr?’

Jenesis 30:2 Iomraidhean Croise

Jenesis 16:2

Hag yn-medh Saray dhe Abram, ‘Otta lemmyn, an Arloedh re'm lettyas na gavav flogh. My a'th pys, ke a-bervedh dhe'm maghteth. Martesen y hwyrvydh my dhe gavoes fleghes dredhi hi.’ Hag Abram a woslowas orth lev Saray.

Jenesis 20:18

Rag an Arloedh re wrussa degea oll an torrow yn chi Abimelek drefenn Sara, gwreg Abraham.

Jenesis 25:21

Hag Ysak a bysis war an Arloedh rag y wreg, rag anvap o hi, ha'n Arloedh a glewas y bysadow ha Rebeka y wreg a gonsevyas,

Jenesis 29:31

Ha'n Arloedh a welas bos Lea skonys, hag ev a igoras hy thorr; mes anvap o Raghel.

Jenesis 31:36

Ena serrys veu Yakob, hag ev a grodhvolas war Laban; ena Yakob a worthybis ha leverel dhe Laban, ‘Pyth yw ow threuspass, pyth yw ow feghes may hwrussys ow helghya?

Jenesis 50:19

Mes yn-medh Yosep dhedha, ‘Na berthewgh own. Esov vy yn le Duw?

2 Myghternedh 5:7

Wosa redya an lyther, myghtern Ysrael a skwardyas y dhillas ha leverel, ‘Ov Duw, dhe ri mernans po bewnans, may tannvon an den ma ger dhymm rag yaghhe gour a'y lovryjyon? Mirewgh fatell usi ev ow hwilas kedrynn genev.’

Salmow 113:9

Ev a wra dhe'n wreg anvap synsi chi, ha bos mamm lowen a fleghes. Gormelewgh an Arloedh.

Salmow 127:3

Otta, ertach an Arloedh yw mebyon, frut an brys yw y wober ev.

Eksodus 32:19

Ha kettell dheuth nes dhe'n kamp ha gweles an leugh ha'n donsya, sorr Moyses a loskas fers, hag ev a dewlis an leghennow a'y dhiwdhorn ha'ga therri dhe droes an menydh.

Matthew 5:22

Mes my a lever dhywgh, Piwpynag a sorro orth y vroder heb ken dhe vos yn peryll a vreusyans, ha piwpynag a lavarro dh'y vroder, “Raka”, dhe vos yn peryll a'n Sanhedrin; mes piwpynag a lavarro, “Ty foll” dhe vos yn peryll a dan ifarn.

Mark 3:5

Ha wosa ev dhe vires a-dro orta gans sorr, hag ev grevys drefenn kaletter aga holonn, yn-medh ev dhe'n den, ‘Ystynn dha leuv.’ Hag ev a's ystynnas, ha'y leuv a veu restorys.

Luk 1:42

ha hi a grias gans kri ughel, ‘Bennigys osta yn mysk benynes, ha bennigys yw frut dha vrys.

Efesianys 4:26

‘Bedhewgh serrys ha na wrewgh pegha.’ Na wres an howl sedhi war agas sorr,

1 Samuel 1:5

mes dhe Hanna ev a ri rann dhewblek, rag ev a gara Hanna, kyn hwrussa an Arloedh degea hy thorr.