Jenesis 3:8 - An Bibel Kernewek 20234 (Kernewek Kemmyn)

⁸ Hag i a glewas lev an Arloedh Duw ow kerdhes y'n lowarth yn awel glor an jydh, hag Adam ha'y wreg a omgudhas dhiworth golok an Arloedh Duw, yn mysk gwydh an lowarth.

Jenesis 3:8 Iomraidhean Croise

Jenesis 18:33

Ha'n Arloedh eth yn-kerdh kettell wrussa astel kewsel dhe Abraham, hag Abraham eth arta dh'y dyller.

Jenesis 3:10

Hag ev a leveris, ‘My a glewas dha lev y'n lowarth ha kemmeres own drefenn ow bos noeth, ytho my a omgudhas.’

Job 22:14

Kommol tew a'n mayl ma na wel ev, hag ev ow kerdhes war gylgh an nev.”

Job 31:33

mar kelis ow hammweythresow dell wra mab-den, ow kudha ow sherewneth yn ow askra,

Job 38:1

Ena an Arloedh a worthybis dhe Job dhiworth an korwyns:

Lavarow Koth 15:3

Yma dewlagas an Arloedh yn pub le, ow koelyas war an debeles ha'n re dha.

Yeremia 23:24

A yll gour omgudha yn tylleryow kudhys ma na'n gwelav? yn-medh an Arloedh. A ny wrav lenwel nev ha nor? yn-medh an Arloedh.

Hosea 10:8

Tylleryow ughel Aven, pegh Ysrael, a vydh distruys. Spern hag askall a dyv dres aga alteryow. Ena yn-medhons dhe'n menydhyow, ‘Gorherewgh ni’, ha dhe'n brennow, ‘Koedhewgh warnan ni.’

Levitikus 26:12

Ha my a gerdh yn agas mysk ha bos agas Duw, ha hwi a vydh ow fobel.

Yona 1:3

Mes Yona a sevis rag fia dhe Tarshish, dhiworth golok an Arloedh. Ev eth yn-nans dhe Yoppa, ha kavoes gorhel ow mos dhe Tarshish. Ytho ev a ros an pris ha mos a-bervedh ynno, mayth ella gansa dhe Tarshish, a-dhiworth golok an Arloedh.

Romanyon 2:15

I a dhiskwa bos skrifys war aga holonn an pyth yw erghys gans an lagha, ha'ga howses ynwedh a dheg dustuni ha'ga thybyans a's kuhudh a-bervedh ynna po martesen a's askus

Dewteronomi 23:14

Rag an Arloedh dha Dhuw a gerdh yn mysk dha gamp dhe'th sawya ha dhe dhelivra dha eskerens a-ragos. Dha gamp a vydh sans, ma na wello ynnos travyth anwiw, ha treylya a-dhiworthis.

Dewteronomi 4:33

A glewas pobel bythkweth lev Duw ow kewsel yn-mes a gres an tan, kepar dell re glewsys jy, ha bewa?

Dewteronomi 5:25

Lemmyn, prag y ferwyn? Rag an tan bras ma a'gan konsum; mar kwren ni pesya klewes lev an Arloedh agan Duw moy, ni a verow.

Ebrowyon 4:13

Hag a-ragdho ev, nyns yw kudhys kreatur vyth, mes oll yw noeth hag igor dh'y dhewlagas ev, may tal dhyn gul akont dhodho.

Diskwedhyans 6:15

Ha myghternedh an norvys ha'n dus vras, ha hembrenkysi luyow, ha'n dus rych, ha'n dus krev, ha pub den keth ha den rydh a omgudhas yn mogowyow hag yn karregi an menydhyow.