Jenesis 3:18 - An Bibel Kernewek 20234 (Kernewek Kemmyn)

¹⁸ Ev a dhre spern hag askall dhis ha ty a wra dybri losow an gwel.

Jenesis 3:18 Iomraidhean Croise

Jenesis 3:17

Ha dhe Adam ev a leveris, ‘Rag ty dhe goela orth lev dha wreg, ha dybri a'n wydhenn may hwrug vy gorhemmynna dhis, ow leverel, “Na wra dybri anedhi”, milliges yw an dor a'th wovis jy; dre lavur ty a wra dybri anodho oll an dydhyow a'th vewnans.

Jenesis 3:19

Yn hwys dha fas ty a dheber bara, bys may tehwelli arta dhe'n dor; rag a henna ty a veu kemmerys: rag doust osta, ha dhe dhoust arta ty a dhehwel.’

Job 1:21

Hag ev a leveris, ‘Noeth y teuth vy dhiworth torr ow mamm, ha noeth y tehwelav ena; an Arloedh a ros, ha'n Arloedh re gemmeras dhe-ves; benniges re bo hanow an Arloedh.’

Job 31:40

re teffo spern yn le gwaneth, hag ivra yn le heydh.’ Geryow Job a worfenn.

Job 5:5

An den nownek a dheber y drevas, hag ev a's kemmer hwath dhiworth spern; ha'n dus syghesik a dhyen rag y rychys.

Salmow 104:2

ty a omwisk yn golow kepar hag yn kweth, ha ty a dhisplet an nevow avel kroglenn;

Salmow 90:3

Ty a dreyl den arta dhe dhoust, hag a lever, ‘Dehwelewgh, hwi vebyon den.’

Lavarow Koth 22:5

Yma dreyn hag antylli yn fordh an den treus; neb a omwith a sev pell dhiworta.

Lavarow Koth 24:31

hag ottava, gordevys o gans spern, kudhys o gans linas, ha'y fos a ven o terrys dhe'n dor.

Ysay 32:13

rag dor ow fobel le may teu spedhas ha spern yn-bann, rag oll an chiow heudh y'n sita lowen.

Ysay 5:6

My a's gwra difeyth; ny vydh skethrys, na ny vydh kravellys, mes spedhas ha spern a dyv ena. My a wra gorhemmynn dhe'n kommol ma na rollons glaw warnedhi.

Ysay 7:23

Y'n jydh na pub tyller mayth esa mil winbrenn ynno, hag a dylis mil shekel arghans, a vydh spedhas ha spern.

Ysay 7:24

Gans sethow ha gans gwarak tus a dheu di, rag y fydh oll an tir spedhas ha spern.

Yeremia 12:13

I re hasas gwaneth, ha mysi spern: skwithys yns, mes ny wrons kavoes prow. I a gemmer meth a'ga threvasow drefenn sorr fers an Arloedh.

Yeremia 4:3

Rag yndellma y lever an Arloedh dhe wer Yuda ha Yerusalem: Gonedhewgh agas tir anerys, ha na hesewgh yn mysk an spern.

Matthew 13:7

Rann arall a goedhas yn mysk spern ha'n spern a devis ha'y thaga.

Romanyon 14:2

Onan a grys y hyll dybri pup-tra, mes an den gwann ny dheber saw unnsel losow;

Ebrowyon 6:8

Mes mar tre yn-rag spern hag askall yth yw heb les hag ogas milliges; ha leski vydh y dhiwedh.

Yoshua 23:13

godhvydhewgh yn sur na wra an Arloedh agas Duw fesya an kenedhlow ma a-dheragowgh arta. I a vydh antell ha maglenn dhywgh, skorja war agas keynow, ha dreyn yn agas lagasow, bys pan ewgh dhe goll a-dhiwar an dor da ma a wrug an Arloedh agas Duw ri dhywgh.