Jenesis 3:16 - An Bibel Kernewek 20234 (Kernewek Kemmyn)

¹⁶ Dhe'n venyn ev a leveris, ‘My a gress dha bayn yn feur ha ty gans flogh; yn payn y fydhydh ow tineythi fleghes, mes dha dhesir a vydh troha dha wour, hag ev a wra dha rewlya.’

Jenesis 3:16 Iomraidhean Croise

Jenesis 4:7

Mar kwre'ta yn ta, a ny vydh drehevys? Ha mar ny wredh yn ta, yma pegh ow skolkya orth an daras; ev yw hwansek dhe'th kavoes, mes ty – ty a wra y fetha.’

1 Kroniklys 4:9

Yabes o moy enoradow es dell o y vreder; ha'y vamm a'n henwis Yabes, ow leverel, ‘Drefenn my dh'y dhineythi yn payn.’

Ester 1:20

Ytho, arghadow an myghtern hag a wra ev, pan vo dyllys dres oll y wlaskor, (rag meur yth yw), oll an gwragedh a re enor dh'aga gwer, ha dhe'n byghan ha dhe'n bras.’

Salmow 48:6

Skruth a's dalghennas ena, ha payn, avel benyn yn lavur.

Ysay 13:8

I a vydh dyegrys, gloesow ha keudh a's kemmer, i a vydh yn angoes kepar ha benyn ow tineythi. I a vir gans marth an eyl orth y gila, aga fasow a vydh avel flammow.

Ysay 21:3

Rakhenna ow diwglun yw leun a grena, gloesow a'm kemmeras kepar ha gloesow dineythi; troblys ov ma na allav klewes, ha dyegrys ov ma na allav gweles.

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Yeremia 13:21

Pandr'a leverydh pan y'th kessydh? rag ty re's dyskas dhe vos dha geffrysysi, avel penn warnas: a ny wra gloesow dha dhalghenna, avel gwreg yn gwelivos?

Yeremia 22:23

A annedhyades Lebanon neythys y'n kederwydh, assa wre'ta kyni pan dheu gloesow warnas, poen avel gwreg yn gwelivos!

Yeremia 4:31

Rag my re glewas lev avel benyn yn lavur, ha'n gloesow avelli hi neb a dhineyth hy hynsa flogh, lev myrgh Sion, ow tyena rag anall, ow lesa hy diwleuv, ‘Go-vy! Klamdera a wrav drefenn ladhoryon.’

Yeremia 49:24

Damaskus yw devedhys ha bos gwann, hi re dreylyas dhe fia, ha skruth re's dalghennas, angoes ha gloesow re's synsis, avel benyn yn hy gwelivesi.

Yeremia 6:24

‘Ni re glewas son anodho: diweres yw agan diwleuv: angoes re'gan dalghennas, ha poen avel benyn yn gwelivesi.

Niverow 30:13

Ambos pynag, po dedhewadyowyow tes pynag dhe omjastia, hy gour a yll selya, po hy gour a yll dilea.

Yowann 16:21

Benyn pan vo hi yn lavur a's teves tristyns, rag bos devedhys hy eur; mes pan yw genys an flogh gensi, ny berth hi kov a'n payn na fella, drefenn an lowena, bos den genys y'n bys.

1 Korinthianys 11:3

Mes my a vynn orthowgh godhvos bos Krist penn pub gour ha bos an gour penn benyn ha bos Duw penn Krist.

1 Korinthianys 14:34

y koedh dhe'n benynes tewel y'n eglosyow: rag ny's teves kummyas a gewsel, mes bedhens gostydh, par dell lever ynwedh an lagha.

1 Korinthianys 7:4

Rag an wreg ny rewl hy horf hy honan, mes hy gour a'n rewl; y'n keth vaner an gour ny rewl y gorf y honan, mes an wreg a'n rewl.

Kolossianys 3:18

A wragedh, bedhewgh gostydh dh'agas gour, dell yw gwiw y'n Arloedh.

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.

1 Timothi 2:13

Rag Adam a veu formys kyns oll, ena Eva,

1 Timothi 2:15

Mes hi a vydh selwys dre dhineythi fleghes mar kwra hi gortos yn fydh ha kerensa ha sansoleth gans doethter.

Titus 2:5

dhe vos fur, chast, bysi y'n chi, gostydh orth aga gour i, ma na vo ger Duw despitys.