Jenesis 3:1 - An Bibel Kernewek 20234 (Kernewek Kemmyn)

¹ Lemmyn an sarf o moy sotel es pub best a'n gwel re wrussa an Arloedh Duw aga gul. Hag yn-medh hi dhe'n venyn, ‘A wrug Duw dhe wir leverel, “Na wrewgh hwi dybri a bub gwydhenn an lowarth”?’

Jenesis 3:1 Iomraidhean Croise

Ekklesiastes 4:10

Rag mar koedhons i, an eyl a wra drehevel y gila, mes go-ev a goedh ha ny'n jevydh denvyth a yll y weres ow tassevel.

Ysay 27:1

Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

Matthew 4:3

Ha'n tempter a dheuth dhodho ha leverel, ‘Mars osta Mab Duw, lavar dhe'n veyn ma bos gwrys bara.’

Matthew 4:6

hag yn-medh ev dhodho, ‘Mars osta Mab Duw, omdowl dha honan yn-nans, rag skrifys yw, “Ev a worhemmynn dh'y eledh a-dro dhis, hag yn aga diwla i a'th teg yn-bann ma na weski dha droes erbynn men.” ’

Matthew 4:9

ha leverel dhodho, ‘Oll an re ma my a vynn ri dhis mar koedhydh dhe'n dor ha'm gordhya.’

2 Korinthianys 11:14

Nyns yw marth: rag Satnas y honan a dreusfurv y honan dhe el a wolow.

2 Korinthianys 11:3

Mes yma own dhymm, par dell doellas an sarf Eva der y felder, yma own dhymm bos agas brysyow dynys yn neb fordh dhiworth an sempledh ha'n lenduri usi yn Krist.

1 Peder 3:7

Y'n keth vaner an wer, gwrewgh kesvewa gansa yn konvedhes, ow tiskwedhes enor dhe'n wreg avel dhe'n gwanna lester, kepar ha dhe heryon genowgh ynwedh a'n ras a vewnans, ma na vo lettys agas pysadow.

Diskwedhyans 12:15

Ha'n sarf a dewlis dowr yn-mes a'y anow kepar hag avon war-lergh an venyn may hwrella dhedhi bos degys dhe-ves gans an avon.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 20:2

Hag ev a settyas dalghenn y'n dhragon, an sarf goth na, yw an Jowl ha Satnas, hag a's kolmas mil vlydhen;