Jenesis 29:10 - An Bibel Kernewek 20234 (Kernewek Kemmyn)

¹⁰ Pan welas ev Raghel myrgh Laban broder y vamm, ha deves Laban broder y vamm, Yakob a dheuth nes ha rolya an men dhiworth ganow an puth ha dowra deves Laban, broder y vamm.

Jenesis 29:10 Iomraidhean Croise

Jenesis 29:11

Ena Yakob a ammas dhe Raghel ha drehevel y lev hag oela.

Jenesis 29:9

Hag ev hwath ow kewsel orta, y teuth Raghel gans deves hy thas, rag bugeles o hi.

Eksodus 2:16

Lemmyn oferyas Midyan a'n jevo seyth myrgh a dheuth ha tenna, ha lenwel an newyow, dhe dhowrhe flokk aga thas.

Eksodus 2:17

Mes bugeledh a dheuth ha'ga fesya; ytho Moyses a sevis dh'aga sawya, ha dowrhe aga flokk.