Jenesis 28:4 - An Bibel Kernewek 20234 (Kernewek Kemmyn)

⁴ ha ri dhis bennath Abraham, dhiso jy ha dhe'th has genes jy, may hylli perghenna an pow mayth esos ow kodriga ynno avel alyon, a ros Duw dhe Abraham.’

Jenesis 28:4 Iomraidhean Croise

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 15:8

Hag yn-medh ev, ‘A Arloedh Duw, fatell allav vy godhvos my dh'y gavoes yn perghennogeth?’

Jenesis 27:33

Ena Ysak a grenas yn pur veur ha leverel, ‘Piw veu ytho neb a helghyas helgik ha'y dhri dhymmo, ha my a'n dybris oll, kyns ty dhe dhos? My a'n bennigas, ha benniges vydh.’

Jenesis 37:1

Yakob a drigas y'n pow may hwrussa y das godriga ynno, yn pow Kanan.

1 Kroniklys 29:15

Rag alyons on ni a-ragos, ha godrigoryon, kepar ha'gan tasow oll. Avel skeus yw agan dydhyow war an nor, heb govenek.

Salmow 39:12

‘Klew ow fysadow, A Arloedh, ha ro skovarn dhe'm kri; na vydh tawesek orth ow dagrow. Rag alyon ov vy genes, godriger, avel ow thasow oll.

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Eksodus 6:4

Ynwedh my re fastyas ow hevambos gansa, dhe ri dhedha pow Kanan, an pow may hwodrigsens ynno.

Galatianys 3:14

may teffo bennath Abraham dhe'n Jentilys yn Krist Yesu, may kemmerryn ni ambos an Spyrys dre fydh.

Galatianys 3:8

Skryptor, ow ragweles Duw dhe justifia an Jentilys dre fydh, a dharganas an aweyl dhe Abraham: ‘An Jentilys oll a vydh benniges ynnos’,

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,