Jenesis 28:3 - An Bibel Kernewek 20234 (Kernewek Kemmyn)

³ Ha re'th vennikko Duw Ollgalloesek ha gul dhywgh doen frut hag ynkressya ha dos ha bos kemmynieth a boblow,

Jenesis 28:3 Iomraidhean Croise

Jenesis 1:28

Ha Duw a's bennigas; ha Duw a leveris dhedha, ‘Degewgh frut ha kressya ha lenwel an nor ha'y dhova, ha rewlya puskes an mor hag ydhyn an ayr ha pub kreatur bew ow kwaya war an dor.’

Jenesis 13:16

Ha my a wra dha has kepar ha doust an dor: mar kyll den nivera doust an dor, dha has ynwedh a yll bos niverys.

Jenesis 17:20

Ha rag Yshmael, my re'th klewas. Awotta, my a wra y venniga, ha gul dhodho doen frut, ha'y gressya dres eghenn. Ev a dhineyth dewdhek pryns ha my a'n gwra dhe vos kenedhel vras.

Jenesis 24:60

Hag i a vennigas Rebeka ha leverel dhedhi, ‘Agan hwoer osta; re bi mamm dhe vilyow a dhegow a vilyow, ha re berghenno dha has yet an re a's kas.’

Jenesis 26:24

Ha'n Arloedh a omdhiskwedhas dhodho an keth nos ha leverel, ‘My yw Duw Abraham dha das. Na borth own, rag yth esov genes ha my a wra dha venniga hag ynkressya dha has a-barth Abraham ow gwas.’

Jenesis 26:4

Ha my a vynn ynkressya dha has kepar ha ster an nev, ha my a re dhe'th has oll an powyow ma. Oll kenedhlow an norvys a vydh owth omvenniga y'th has:

Jenesis 27:33

Ena Ysak a grenas yn pur veur ha leverel, ‘Piw veu ytho neb a helghyas helgik ha'y dhri dhymmo, ha my a'n dybris oll, kyns ty dhe dhos? My a'n bennigas, ha benniges vydh.’

Jenesis 35:11

Hag yn-medh Duw dhodho, ‘My yw Duw Ollgalloesek; degewgh frut ha kressewgh; kenedhel ha kemmynieth a genedhlow a dheu dhiworthis, ha myghternedh a dheu yn-mes a'th tiwglun.

Jenesis 41:52

Hag ev a elwis hanow an nessa Efraym, ‘rag Duw re wrug dhymm doen frut yn pow ow galarow.’

Jenesis 43:14

Ha re rollo Duw Ollgalloesek mersi dhywgh dherag an gour, may tannvonno dhywgh agas broder arall, ha Benyamin. Ha my – mar pydh ow fleghes kellys, kellys vydhons.’

Jenesis 48:3

Hag yn-medh Yakob dhe Yosep, ‘Duw Ollgalloesek re omdhiskwedhas dhymm yn Luz, yn pow Kanan, ha'm benniga,

Jenesis 48:4

ha leverel dhymm, “Awotta, my a vynn gul dhis doen frut ha kressya; ha my a wra dhis bos kemmynieth a genedhlow; ha my a re an tir ma dhe'th has war dha lergh dh'y berghenna bys vykken.”

Jenesis 49:25

dre Dhuw dha das neb a'th weres, ha'n Ollgalloesek neb a'th vennik, gans bennathow an nevow a-vann, bennathow an downder a wrowedh war-nans, bennathow diwvronn ha torr.

Jenesis 9:1

Ha Duw a vennigas Noy ha'y vebyon ha leverel dhedha, ‘Degewgh frut ha kressyewgh ha lenwel an nor.

Salmow 127:1

Marnas an Arloedh a dhrehav an chi, yn euver y lavur seul a'n drehav. Marnas an Arloedh a with an sita, yn euver y hwra an gwithyas goelyas.

Salmow 127:3

Otta, ertach an Arloedh yw mebyon, frut an brys yw y wober ev.

Eksodus 1:7

ha mebyon Ysrael a dhug frut, hesya a wrussons ha palshe, ha galloesek dres eghenn ens, ha'n tiredh o lenwys gansa.

Eksodus 6:3

ha my a omdhiskwedhas dhe Abraham, dhe Ysak ha dhe Yakob avel Duw Ollgalloesek, mes der ow hanow vy, an Arloedh, nyns en vy aswonnys dhedha.

2 Korinthianys 6:18

ha tas vydhav dhywgh ha mebyon ha myrghes vydhowgh hwi dhymm, yn-medh an Arloedh Ollgalloesek.’

Diskwedhyans 21:22

Ha tempel ny welis ynni, rag bos an Arloedh Duw Ollgalloesek ha'n Oen hy thempel.

Ruth 2:4

Hag otta, y teuth Boaz a-dhiworth Bethlehem, ha leverel dhe'n vysoryon, ‘An Arloedh genowgh’, hag yn-medhons i dhodho, ‘Re'th vennikko an Arloedh.’