Jenesis 28:18 - An Bibel Kernewek 20234 (Kernewek Kemmyn)

¹⁸ Ha Yakob a sevis myttin a-varr ha kemmeres an men re wrussa y worra yn-dann y benn, hag ev a'n settyas avel peulven ha dinewi oyl war an penn anodho.

Jenesis 28:18 Iomraidhean Croise

Jenesis 21:14

Hag Abraham a sevis yn-bann ternos vyttin a-varr ha kemmeres bara ha kroghen dowr ha'ga ri dhe Hagar orth aga gorra war hy diwskoedh, ha'n flogh, ha'y dannvon dhe-ves, ha hi eth yn-kerdh ha gwandra yn difeythtir Beer-sheba.

Jenesis 22:3

Hag Abraham a sevis yn-bann ternos a-varr, ha dibra y asen, ha kemmeres dew a'y wer yowynk ganso hag Ysak y vab, ha treghi an keunys rag an offrynn leskys, ha sevel ha mos dhe'n tyller a leveris Duw dhodho.

Jenesis 28:11

Ev a dheuth dre jons dhe neb unn tyller ha gortos ena dres nos, rag bos an howl sedhys. Ev a gemmeras onan a veyn an tyller ha'y worra yn-dann y benn ha growedha y'n tyller na.

Jenesis 31:13

Duw Bethel ov vy, le may hwruss'ta untya peulven, le mayth ambossys ambos dhymm. Sav yn-bann lemmyn. Ke yn-mes a'n pow ma ha dehweles dhe bow dha enesigeth.” ’

Jenesis 31:45

Ytho Yakob a gemmeras men ha'y dhrehevel avel peulven.

Jenesis 35:14

Ha Yakob a dhrehevis peulven y'n tyller may hwrussa kewsel ganso, peulven a ven; hag ev a dhinewis offrynn diwes warnodho, ha dinewi oyl warnodho.

Jenesis 35:20

Ha Yakob a worras peulven war hy bedh. Henn yw peulven bedh Raghel bys y'n jydh hedhyw.

2 Samuel 18:18

Lemmyn Absalom a gemmersa ha drehevel peulven ragdho y honan, hag ev hwath yn few, usi yn Nans an Myghtern, rag yn-medh ev, ‘Ny'm beus mab vyth dhe witha ow hanow yn kovadh’; ev a henwis an peulven war-lergh y hanow y honan, ha gelwys yw bys y'n jydh hedhyw, men-kov Absalom.

Salmow 119:60

My a fistenas ha ny dhelatis an termyn rag synsi dha worhemmynnow.

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Ysay 19:19

Y'n jydh na y fydh alter dhe'n Arloedh yn kres pow Ejyp, ha peulven dhe'n Arloedh orth hy or.

Niverow 7:1

Y'n jydh may hworfennsa Moyses settya an tabernakel, ha'y untya ha'y sakra gans oll y dhaffar, hag untya ha sakra an alter gans oll y dhaffar,

Yoshua 4:9

Yoshua a settyas yn-bann an dewdhek men re bia yn kres an Yordan y'n tyller may sevis treys an oferysi a dhug argh an kevambos; hag ymons i ena bys y'n jydh ma.

1 Samuel 7:12

Ena Samuel a gemmeras men ha'y settya yntra Mispa ha Yeshana, ha'y henwel Ebenezer; rag ev a leveris, ‘Kyns-lemmyn an Arloedh re'gan gweresas.’