Jenesis 28:10 - An Bibel Kernewek 20234 (Kernewek Kemmyn)

¹⁰ Ha Yakob eth yn-mes dhiworth Beer-sheba ha mos troha Haran.

Jenesis 28:10 Iomraidhean Croise

Jenesis 11:31

Teragh a gemmeras Abram y vab ha Lot mab Haran, mab y vab ev, ha Saray y wohydh, gwreg y vab Abram, hag i eth yn-mes gansa dhiworth Ur an Kaldeanys mayth ellens dhe bow Kanan, hag i a dheuth dhe Haran ha triga ena.

Jenesis 12:4

Ytho, Abram eth dell wrussa an Arloedh leverel dhodho, ha Lot eth ganso. Abram o pymthek bloedh ha tri-ugens pan eth yn-mes a Haran.

Jenesis 12:5

Hag Abram a gemmeras Saray y wreg ha Lot, mab y vroder hag oll aga fyth re wrussens kuntelles, ha'n enevow re wrussens kavoes yn Haran, hag i eth yn-kerdh rag mos dhe bow Kanan; ha dhe bow Kanan y teuthons i.

Jenesis 26:23

Hag ev eth yn-bann alena dhe Beer-sheba.

Jenesis 27:43

Ha lemmyn, ow mab klew ow lev; sav, ha fi dhe Laban ow broder, dhe Haran.

Jenesis 29:4

Yn-medh Yakob dhedha, ‘A vreder, a-ble owgh hwi?’ Yn-medhons i, ‘A Haran yth eson ni.’

Jenesis 32:10

nyns ov wordhi a'n tregeredhow oll ha'n lelder oll re wruss'ta gans dha was; rag gans ow lorgh my a dremenas dres an Yordan ma, ha lemmyn yth ov devedhys ha bos dew gamp.

Jenesis 35:1

Duw a leveris dhe Yakob, ‘Sav, ke yn-bann dhe Bethel ha trig ena; ha gwra alter ena dhe'n Duw a omdhiskwedhas dhis pan eses ow fia dhiworth fas dha vroder Esaw.’

Jenesis 35:7

Hag ev a dhrehevis alter ena ha gelwel an tyller El-bethel, rag Duw a omdhiskwedhas dhodho ena pan esa ow fia dhiworth fas y vroder.

Jenesis 46:1

Ytho Ysrael a dravalyas gans pup-tra esa dhodho ha dos dhe Beer-sheba ha sakrifia sakrifisow dhe Dhuw y das Ysak.

Eksodus 33:1

An Arloedh a leveris dhe Moyses, ‘Dibarth, ke alemma, ty ha'n bobel a wrussys dri yn-mes a bow Ejyp, dhe'n tir a ambosis dhe Abraham, Ysak ha Yakob, ow leverel, “Dhe'th tiyskynnysi my a'n re.”

Hosea 12:12

Yakob a fias dhe bow Aram, Ysrael a servyas rag gwreg, ha rag gwreg y hwithas deves.

Oberow 25:13

Ha pan o passys niver a dhydhyow, myghtern Agrippa ha Bernike a dheuth dhe Sesarea rag salusi Festus.

Oberow 7:2

Hag yn-medh ev: ‘Breder ha Tasow, goslowewgh. An Duw a wolewder a omdhiskwedhas dhe Abraham hag ev yn Mesopotamia, kyns ev dhe driga yn Haran,