Jenesis 27:41 - An Bibel Kernewek 20234 (Kernewek Kemmyn)

⁴¹ Lemmyn Esaw a'n jevo eskarogeth erbynn Yakob drefenn an vennath may hwrussa y das y venniga gensi, hag Esaw a leveris yn y golonn, ‘Yma'n dydhyow a gynvann a-barth ow thas ow tos nes. Ena my a vynn ladha ow broder Yakob.’

Jenesis 27:41 Iomraidhean Croise

Jenesis 27:42

Ha derivys veu geryow hy mab kottha dhe Rebeka ha hi a dhannvonas ha gelwel Yakob hy mab yowynka ha leverel dhodho, ‘Otta, yma dha vroder Esaw owth omgonfortya, ow prasa dhe'th ladha.

Jenesis 32:11

Delirv vy, my a'th pys, yn-mes a leuv ow broder, a leuv Esaw, rag my a berth own anodho, ev dhe dhos ha'm gweskel, an mammow gans an vebyon.

Jenesis 32:3

Ha Yakob a dhannvonas kannasow a-dheragdho dhe Esaw y vroder, dhe bow Seir, gwel Edom,

Jenesis 32:6

Ha'n kannasow a dhehwelis dhe Yakob ow leverel, ‘Ni a dheuth dhe'th vroder, dhe Esaw; hag yma ev ow tos dhe'th vetya, ha ganso peswar kans gour.’

Jenesis 35:29

Hag Ysak a dremenas hag a verwis, hag a veu kuntellys dh'y bobel, leun a dhydhyow; ha'y vebyon Esaw ha Yakob a'n ynkleudhyas.

Jenesis 37:18

Hag i a'n gwelas a-bell, hwath kyns ev dhe dhos nes dhedha, hag i a vrasas er y bynn dh'y ladha.

Jenesis 37:4

Ha'y vreder a welas y hwre aga thas y gara moy es y vreder oll, hag i a'n kasas, ha ny yllens kewsel yn kuv ganso.

Jenesis 37:8

Hag yn-medh y vreder dhodho, ‘A vydhydh ow reynya warnan yn hwir? Po a vydhydh orth agan rewlya?’ Ytho i a'n kasas hwath dhe voy drefenn y hunrosow ha'y eryow.

Jenesis 50:15

Pan welas breder Yosep bos marow aga thas, yn-medhons i, ‘Martesen Yosep a vydh eskarek er agan pynn, hag a vynn attyli dhyn oll an drog a wrussyn dhodho.’

Jenesis 50:2

Ha Yosep a erghis dh'y wesyon an vedhogyon mayth urrons y das rag ynkleudhyans; ytho an vedhogyon a uras Ysrael.

2 Kroniklys 35:24

Yndella y wesyon a'n kemmeras yn-mes a'y jarett ha'n dugons dh'y nessa charett, ha'y dhri dhe Yerusalem. Ena ev a verwis, hag a veu ynkleudhys yn bedhow y dasow. Oll Yuda ha Yerusalem a gynis war-lergh Yosia.

Salmow 142:3

Pan glamderas ow spyrys a-bervedh ynnov ty a aswonnis ow hyns. Y'n fordh may kerdhyn i re gudhas maglenn er ow fynn.

Salmow 35:14

My a gerdhas a-dro ow kyni kepar ha pan ve ow howeth po ow broder; my a blegyas dhe'n dor yn galarwisk, kepar ha den ow kyni y vamm.

Salmow 37:16

Gwell yw an boghes usi gans an den gwiryon ages an rychys a debeles pals.

Lavarow Koth 1:16

rag aga threys a boen dhe dhroktra, hag i a fysk rag skoellya goes.

Lavarow Koth 18:19

Broder hyll yw maga tiwedhyn avel sita grev, ha kedrynna yw haval dhe varrys kastell.

Lavarow Koth 6:14

gans kolonn dreus ev a dhevis droktra, pup-prys ow hasa kedrynnow.

Ekklesiastes 7:9

Na fisten y'th spyrys dhe serri, rag sorr a bowes yn askra fellyon.

Ezekiel 35:5

Drefenn bos dhis eskarogeth bythkwethek, ha ty re dhelivras mebyon Ysrael dhe nerth an kledha yn termyn aga therroes, yn termyn aga hessydhyans finek,

Dewteronomi 34:8

Mebyon Ysrael a oelas rag Moyses yn plenys Moab deg dydh warn ugens; ena an dydhyow a oelva ha kynvann rag Moyses a veu kowlwrys.

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.