Jenesis 27:40 - An Bibel Kernewek 20234 (Kernewek Kemmyn)

⁴⁰ Dre dha gledha ty a vew, ha ty a serv dha vroder; mes pan wrylli sesya rydhses, ty a derr y yew dhiworth dha gonna.’

Jenesis 27:40 Iomraidhean Croise

Jenesis 25:23

Hag yn-medh an Arloedh dhedhi, ‘Yma diw genedhel y'th torr ha diw bobel a vydh rynnys a'th kolodhyon; unn bobel a vydh kreffa es an bobel arall, ha'n kottha a wra servya an yowynka.’

Jenesis 27:29

Re'th serfyo an poblow ha kenedhlow omblegya a-dheragos. Bydh mester war dha vreder ha gwres mebyon dha vamm omblegya a-dheragos. Milliges re bo an re a wra dha villiga ha benniges an re a wra dha venniga.’

Jenesis 32:6

Ha'n kannasow a dhehwelis dhe Yakob ow leverel, ‘Ni a dheuth dhe'th vroder, dhe Esaw; hag yma ev ow tos dhe'th vetya, ha ganso peswar kans gour.’

Jenesis 33:9

Mes yn-medh Esaw, ‘Genev vy yma pals, ow broder. Bedhes dhiso an pyth usi genes.’

2 Samuel 8:14

Ev a settyas savleow-gwithysi yn Edom; der oll Edom ev a settyas savleow-gwithysi, hag oll Edom eth ha bos gwesyon dhe Davydh. Ha'n Arloedh a ros trygh dhe Davydh plepynag yth e.

2 Myghternedh 14:10

Ty re weskis Edom, dhe wir, ha dha golonn re'th trehevis. Bydh lowen gans an glori ha gorta y'n chi; rag prag y fynnydh entra yn trobel ha koedha, ty ha Yuda genes?’

2 Myghternedh 14:7

Ev a ladhas deg mil Edomyas yn nans an Hoelan ha dalghenna Sela dre vresel, ha'y henwel Yoktheel, dell yw bys y'n jydh hedhyw.

2 Kroniklys 21:10

Yndella Edom re beu yn rebellyans erbynn Yuda bys y'n jydh hedhyw. Y'n prys na Libna a sevis ynwedh erbynn y rewl, drefenn ev dhe forsakya an Arloedh, Duw y dasow.

2 Kroniklys 21:8

Yn y dhydhyow Edom a rebellyas erbynn Yuda hag a wrug myghtern ragdha aga honan.

2 Kroniklys 28:17

Rag an Edomysi re omsettsa arta yn Yuda, ha'y fetha, ha doen dhe-ves kethyon.

Salmow 60:8

Moab yw ow seth-golghi; dres Edom y teghesav ow eskis; war Filistia my a arm yn trygh.’

Matthew 10:34

‘Na dybewgh ow bos vy devedhys rag dannvon kres war an norvys; nyns ov devedhys rag dannvon kres saw kledha.