Jenesis 27:29 - An Bibel Kernewek 20234 (Kernewek Kemmyn)

²⁹ Re'th serfyo an poblow ha kenedhlow omblegya a-dheragos. Bydh mester war dha vreder ha gwres mebyon dha vamm omblegya a-dheragos. Milliges re bo an re a wra dha villiga ha benniges an re a wra dha venniga.’

Jenesis 27:29 Iomraidhean Croise

Jenesis 12:3

Ha my a vennik an re a wra dha venniga jy; ha neb a'th villik a wrav vy y villiga. Ynnos jy y fydh benniges oll teyluyow an nor.’

Jenesis 25:33

Yn-medh Yakob, ‘To dhymmo hedhyw’, hag ev a dos dhodho, ha gwertha y wir genesik dhe Yakob.

Jenesis 27:30

Pan wrussa Ysak gorfenna benniga Yakob ha Yakob skant gyllys yn-mes dhiworth Ysak y das, y teuth y vroder Esaw dhiworth y helgh.

Jenesis 27:37

Ysak a worthybis ha leverel dhe Esaw, ‘Otta, my re'n settyas avel mester warnas, ha ri dhodho oll y vreder avel gwesyon, ha my re'n sostenas gans ys ha gwin. Pandra ytho a wrav lemmyn ragos jy, ow mab?’

Jenesis 27:40

Dre dha gledha ty a vew, ha ty a serv dha vroder; mes pan wrylli sesya rydhses, ty a derr y yew dhiworth dha gonna.’

Jenesis 37:10

Mes ev a'n derivas dh'y das ha dh'y vreder ha'y das a'n rebukyas ha leverel dhodho, ‘Pyth yw an hunros ma re wruss'ta hunrosa? A wren ni dos, my ha'th vamm ha'th vreder, dhe omblegya dhe'n leur a-ragos?’

Jenesis 37:7

awotta, yth esen ni ow kelmi manalow y'n gwel, hag awotta, ow manal vy a sevis, ha pesya a'y sav ynwedh; hag awotta, agas manalow hwi a dheuth oll a-dro, hag omblegya dhe'm manal vy.’

Jenesis 9:27

Re ynkressyo Duw Yafeth, ha re bo trigys a-berth yn tyldow Shem; re bo Kanan kethwas dhodho.’

1 Myghternedh 22:47

Nyns esa myghtern yn Edom; yth esa lesruw a'n myghtern.

1 Myghternedh 4:21

Yth esa Solomon ow rewlya war oll an gwlaskordhow dhiworth an avon Ewfrates bys pow an Filistysi, ha bys yn or Ejyp; i a dhros trubyt ha servya Solomon dydhyow oll y vewnans.

1 Kroniklys 5:2

Yuda o krev yn mysk y vroder ha rewler a dheuth anodho, mes yth esa dhe Yosep an gwir genesik.)

Salmow 72:8

Re'n jeffo maystri a vor dhe vor, ha dhiworth an avon bys yn pennow an norvys.

Ysay 45:14

Yndellma y lever an Arloedh: Gwayn lavur Ejyp ha gwara Ethiopia, ha pobel Sabea, gwer meur aga ughelder, a dheu dhis, ha bos dhis; i a hol war dha lergh ow tos dhis yn kadonyow. I a ombleg dhe'n dor a-ragos, ha pysi dhis, ow leverel, ‘Yma Duw genes yn sur, ha nyns eus nahen, nyns eus duwow saw ev.’

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Ysay 60:12

Rag an genedhel ha'n ruvaneth na'th serv a verow; ha'n kenedhlow na a vydh distruys glan.

Ysay 60:14

Mebyon an re a'th arwaskas a gerdh dhis ow plegya dhe'n dor, hag oll myns a'th tespityas a ombleg dhe'n dor orth godhnow dha dreys; hag i a'th elow Sita an Arloedh, Sion a Sans Ysrael.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Niverow 23:8

Fatell allav mollethi neb na wrug Duw y vollethi? Fatell allav kuhudha neb na guhudhas an Arloedh?

Niverow 24:18

Edom a vydh perghennys, y eskerens Seir a vydh perghennys ynwedh, hag Ysrael ow kul yn kolonnek.

Niverow 24:9

Ev a blattyas, ev a wrowedhas avel lew, hag avel lewes; piw a'n gwra dhe dhifuna? Benniges re bo pubonan a'th vennik, ha milliges re bo pubonan a'th villik.’

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Matthew 25:45

Ena ev a wra aga gorthybi ow leverel, “Yn hwir y lavarav dhywgh, par dell na'n gwrussowgh dhe onan a'n re lyha ma, dhymmo vy ny'n gwrussowgh.”

Romanyon 9:12

dhedhi y leveris, ‘An kottha a wra servya an yowynka.’

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.